Texts
Return to list | edit | delete | Create a new | history | Statistics | ? Help
Meijän perehen syöndytavat
Meijän perehen syöndytavat
Livvi
New written Livvic
Myö
olemmo harjavunnuh syömäh nelli-viizi kerdua päiväs .Huondeksel myö ainos syömmö lämmän huondesveron .Sen varustau muamo .Huondesverokse häi puaksumbah keittäy kuaššua : kargru -, brossu -, riissu - libo nižukuaššua .Minä suvaičen kagrukuaššua , minun sizär In’a rakkahembal syöy brossukuaššua .Toiči huondesverokse myö syömmö ruahtuo kannateksenke , ližiämmö sih marjua libo fruktua , nenga on magiembi .Huondesverokse myö puaksuh keitämmö jäiččiä libo luajimmo jäišniekän , sidä ylen äijäl suvaiččou tuatto .
Huondesveron myö syömmö kaikin yhtes .Syödyy juommo čuajuu voileibienke libo päppii .Huogavopäivin muamo pastau čuajukse olan’n’ua libo čupukkua .Myö suvaičemmo syvvä niilöi kannateksenke libo varen’n’anke .
Argipäivin meil ei puutu murginoija yhtes .Školas minä en murginoiče , syön vai palazen midätah .Murginale tulen kodih .Muamo keittäy murginan ehtäl .Päiväl myö vai lämmitämmö sen .Murginakse meil vältämättäh on liha -, kala - libo gribarokku .Vie muamo varustau kalua libo lihua ouveššiloinke .Niilöi häi pastau libo haudou pastopäčis .Murginan aigah myö vältämättäh juommo marjuvetty : garbalovetty libo buoluvetty .Suvaičemmo sežo kampottua kuivattulois juablokois .
Ildupäivysyömizekse myö puaksuh varustammo tönčöidy libo syömmö jogurtua da ruahtuo .Myö sizärenke iče luajimmo tönčöidy .Tädä karjalalastu syömisty meijän perehes suvaijah kaikin .
Illal myö tulemmo kodih da avvutammo muamale varustua ildazen .Ildazekse myö žuarimmo libo pastammo kalua libo lihua , ližättehekse keitämmö riissuu , greččuu , makaronua libo kartohkukuaššua .Puaksuh varustammo täytettylöi pippuriloi , kapustukiärehii libo gul’aššuu .Ildazekse muamo luadiu ouveššisaluattuagi : pilkou ogurčua , tomuattua da pippurii , t’orkuau rötkiä libo nagristu keldujuurikonke .Minä ylen äijäl suvaičen suolattuu kapustua libo suolattuloi sienii laukanke da siemenvoinke .
Illal myö vie syömmö fruktua da juommo kefiirua .Ainos mustammo , ku pidäy ehtie syvvä kahtu čuassuu enne muate vierendiä .
Meijän perehen syöndytavat
Livvi
New written Livvic