Texts
Return to list | edit | delete | Create a new | history | Statistics | ? Help
Ostoksil
Ostoksil
Livvi
New written Livvic
– Tan’a , midä
rubiet ruadamah urokkoin jälles ? Tahtozin kuččuo sinuu ostoksile .Minul pidäs ostua uvvet tuflit .
– Nasti , olen ylen äijäl väzynyh tänäpäi . Ei ole himuo lähtie .Älä sen täh suutu .Toinah Anni lähtis sinunke .Kuču händy libo voimmo huomei kävvä .Huomei jo ei rodei moine jygei päivy .Tänäpäi ylen äijäl väzyin ezityksien jälles , piin paginua literatuuran da anglien kielen urokal .Egläi kaiken ehtän varustimmos niilöih , luajiin prezentacietgi .
– En taki suutu sen täh , ellendän kai . Voimmo huomeigi kävvä , ei ole nimittumua kiirehty .Školas rodieu illačču kahten nedälin peräs , sendäh tahtozin ostua uvvet tuflit .
– Hyvä , läkkä sit huomei . Kunne myö lähtemmö ostoksile , kudamah laukkah ?
– Minä duumaičin kävvä suureh laukkukeskukseh , kudai on linnan keskučas . Sit on äijy jallaččilaukkua .
– On . Minä mennyt kuul ostin sie krossujallačit .Silloi oli kezäjallaččiloin loppumyöndy , sendäh sain ostua alendushinnal .
Telefonas :
– Muamo , hoi !Myö tuatanke jo olemmo laukas .Ostimmo maiduo da kannatestu , zuaharipeskuu da jäiččiä .Kačommo nygöi sinun kirjutettuu luvetteluu da emmo voi ellendiä , mittumua jauhuo pidäy ostua : nižu - vai ruisjauhuo .Sinähäi rubiet pastamah šipainiekkua .Sit ruisjauhuogo pidäy ostua ?
– Älgiä ostakkua ruisjauhuo , sidä vie on kaksi kiluo . Nižujauhot loppiettihes .Ostakkua kaksi kiluo nižujauhuo .Sidägi panen šipainiekkoin tahtahah .
– A mittumua ruahtuo pidäy On’ale ostua ? Täs on ruahtuo must’oinke , gruušanke da persiekanke .
– Maša , ostakkua kaksi must’oinke da kaksi gruušanke , persiekanke häi ei syö .
– Hyvä . Otimmo kai .Lähtemmö nygöi kassalluo maksamah .Terväh tulemmo kodih .
Ostoksil
Livvi
New written Livvic
–