Texts
Return to list | edit | delete | Create a new | history | Statistics | ? Help
Ostokset
Ostokset
Livvi
New written Livvic
Myö
kaikin kävymmö ostoksile , sendäh ku tarvičemmo syömisty , juomistu , tervehyönhuollon tavarua , kosmetiekkua , puhtastus - da pezoainehtu , rohtuu , sobua , ast’ettu , pertilomuu , kodikonehtu da äijän midä muudu .Laukkoih käyndy sen täh on vältämätöi tänäpäi .
Meijän linnas on äijy suurdu da piendy laukkua .Niilöis suau ostua kaikkie .Meijän linnas laukat avavutah kaheksan libo yheksän aigua huondeksel da salbavutah kaheksan libo yheksän aigua ehtäl .Erähät ruatah kymmenessäh libo yhtehtostu čuassuu ehtiä .Meijän linnas ei ole suutkien aigah ruadajii laukkoi .Moizet laukat ollah vai suuris linnois .
Minä en sanos , ku ylen puaksuh kävyn ostoksile .Suovattan libo pyhänpiän myö perehinneh kävymmö einehlaukkah , ostammo nedälikse syömisty .Sit argipäivinny kentahto meis kävyy leibäh libo maidoh .Yhtel tiel sit ostau sidä , midä tarvičemmo kois .
Kaikin yhtes myö kävymmö ostamah kodikonehtu , pertilomuu da muudu kodih pättäviä tavarua .Niilöi himoittau vallita kaikil yhtes .Tuatal da muamal on tärgei kuulta minun da sizären mieligi .
Ičele sobua da jallaččiloi minä puaksumbah ostan verkolaukois .Niilöis on suuri valličus da minä voin ostua veššilöi oman mavun mugah .Erähät minun tuttavat ei ruohtita ostua ičele sobua libo jallaččiloi verkolaukois .Sanotah , ku ei sua tiediä edukädeh , pädöygo sinule ostettavu vešši vai ei .Minä en varua sidä .Joga sovan libo jallačin , kudai on suuri libo pieni sinul libo ei päi luavun libo värin puoles , sinä ainos voit työndiä järilleh .
Voin sanuo , ku kaikis laukois minä rakkahembal kävyn mustolahjulaukkoih , sendäh ku suvaičen ostua lahjua omil da tuttavil pruazniekoikse da roindupäivikse .Konzu olen vierahas linnas , ainos tavoitan piästä mustolahjulaukkah , joga matkaspäihäi himoittau tuvva omile mustolahjua .
Ostokset
Livvi
New written Livvic