Texts
Return to review
| Return to list
Malittu
history
May 27, 2024 in 15:53
Нина Шибанова
- created the text
- created the text: Sanua parastu ryndähäs kannan,
Päivännouzun kel malittuu luven,
Panen poklonua armahal rannal:
Jumal andakkah Karjalal tuven.
Anna eletäh sinizet järvet,
Mägikallivot, vihandat mečät,
Anna kalua on verkozet tävvet,
Anna marjastu on, konzu ečit.
Ei vie Karjalu kuolemah jiännyh,
Eigo siirdynyh vierahal sijal,
Anna Uhtan da Anuksen iäni
Pertis helizöy ilmazen ijän.
Anna Kalevan harmannuot runot
Yli muailmua lennetäh ainos,
Anna kandeleh pajostu punou,
Anna Karjalan taivas on kajos.