Texts
Return to review | Return to list
Livvin kyly
history
May 28, 2024 in 12:24 Нина Шибанова
- created the text
- created the text: Aldo kivilöil nuolou, Pihal laiveni räkki. Kurmoi vičerdäy suoloil, Levol hurhettau väkkel’. Oza silmäzel vilmai, Eule kylä vie hyllys. Pädöy eliä täl ilmal, Konzu kyläs on kyly. Nelliseinäine huonus, Savu taivahah laispäi, Ižä puuhizen tuonnuh Kauhan, ei paku käispäi. Rabakivine päčči, Seinis puhtahin nogi... Löylys ruskonou vačču, Hoivu hardieloil rodih. Lykkäin, vie kerran lykkiän, Anna šohistah kivet. Ei vie lavvoilpäi hyppiä, Vastas kestäy vie sive. Hibju nuoreni buito, Hyödyi tervehel nivel, Rungas higesty suitui... Lykkiän vie kerran kivel! Jälles ikkunan pieles Kačon kuivanuoh kaivoh. Yksi duumu on mieles, Painau kibiessäh aivot: Kuni kylyzes kargei Nouzou savuine yläh. Äijy hävii da kargai, Tiijän: elos on kylä.