Texts
Return to list
| edit | delete | Create a new
| Statistics
| ? Help
Brendojev Vladimir.
Iivan da nastoi
genre: Lyric work
Source:
Ruppijeva J. V., Livvin opastuskniigu: 10-11 kluassu: Карельский язык (ливвиковское наречие): учебник для 10-11 классов общеобразовательных организаций. Под ред. Т.П. , 2022, p. 143-144
Brendojev Vladimir
Iivan da nastoi
Livvi
New written Livvic
Iivan vihmal astui,
sovat hänel kastui,
hierun paras paimoi
kylmi – iänen kaimai.
Märgy hänen jyttyöh,
vastah tuli tyttö,
vigaine ei suuri:
tyttö oli kuuris.
Iivan tytön vastai,
čuhkai: "Terveh, Nastoi,
kunne olet hovus
sinä märräs sovas?"
Nastoile on diivu:
"Kunne lähtiit, Iivan?
Milleh, gor’a, nestyit,
sovat on ku pestyt."
Korvah čuhkai paimoi:
"Lähtin minä naimah.
Etgo sinä, Nastoi,
tiedäs andilastu?"
"Etgo minuu ota
omalazen čotas?
Läkkä, raukku, kahtei,
sežo maimua tahton?"
Viippai Iivan kätty:
"Midä sinä mättiät?
Kuspäi maimu pakkuu?
Minä ečin akkua."
