Texts
Return to list
| edit | delete | Create a new
| Statistics
| ? Help
Brendojev Vladimir.
Sa, mustat?
genre: Lyric work
Source:
Ruppijeva J. V., Livvin opastuskniigu: 10-11 kluassu: Карельский язык (ливвиковское наречие): учебник для 10-11 классов общеобразовательных организаций. Под ред. Т.П. , 2022, p. 157
Brendojev Vladimir
Sa, mustat?
Livvi
New written Livvic
On Anusrannal taivas puhtas,
dai nygöi rauhažat on yöt...
A mustat lapsen – veriluhtas?
A kui myö kiinitimmö vyöt?
A mustat – nälgähine vangi
kui nosti parzii vilus vies,
a suomelaine pergi kangel,
näi muga: "ryssä eulo mies"?
A mustat – Sammatus kui paloi?
A sit, kui kevät voiton toi?
Sit juomatoigi mal’l’ah valoi
da kyynälenke magieh joi.
Ket avata ei omua ustu,
kel tulla ei nikonzu sua,
ket hengi annettih, sa mustat?
Heil olgah kebjiem, pehmiem mua.
Sit aijas äijy valui vetty,
dai valukkah mitahto vie:
niken ei rodie unohtettu,
nimi ei unohtuksih jiä.
