Texts
Return to list | edit | delete | Create a new | history | Statistics | ? Help
Tatjana Boiko, Tamara Ščerbakova. Päiväzen aittu. 2
Tatjana Boiko, Tamara Ščerbakova
Päiväzen aittu. 2
Livvi
New written Livvic
Muigei
da ylen tervehelline garbalomuarju kazvau kezäl suoloil , a kerätäh sidä myöhä sygyzyl .Vaiku ei kaikin tietä sidä , ku kaikis paras da magein on se garbalo , kudai jiäy talvekse lumen al .
Tänä keviän kuuzikkolois lumi pyzyi sulakuun loppuh suate , a suoloil ainos on lämmembi , sentäh täh aigah lundu sie jo ei olluh .Lapset tiijustettih se rahvahaspäi da kerävyttih garbaloh .Vie pimies Nast’oi andoi juomizet kaikile omile žiivatoile .Mitraša otti tuatan orožan "tulkan ", muanittavukset pyylöih niškoi , ei unohtanuh kompassuagi .Hänen tuattah meččäh lähtijes nikonzu ei unohtanuh kompassua kodih .
Äijän kerdua kyzeli Mitraša tuatal :
– Kogo ijän sinä kävelet mečäs , tiijät sen , gu oman kämmenen .Miksebo vie sinule se strelku pidäy ?
– Kačo vai , Mitrii Pavlovič , – vastai tuattah , – mečäš tämä strelku on luaskavembi muamua , toiči taivas peittyy pilvien al , sit päivästy myö et voi löydiä oigiedu matkua , lähtet eččimäh , hairuot , yöksyt , nälgävyt .
Sit vai kačahtai strelkah : se sinule ozuttau , kus on sinun kodi .Lähtet strelkua myöte kohti kodih , sie sinuu syötetäh .Tämä strelku on tovelline ystävy , ristikanzu toiči pettäy sinuu , a strelku , hot kui sidä pyöritä , ainos pohjozeh kaččou .
Kompasan kačottuu , Mitraša salbai sen kummalizen vešin , gu strelku tyhjiä ei särizis .Häi hyvin , ihan gu tuattah , kiärii hattarat jalgoih , kengii suappuat , pani piäh moizen vahnan kartuzazen , kuduas kozirkaine oli hallennuh kahtekse : ylimäine puoli kiändyi korgiembi päivästy , a alimaine oli ihan nenässäh .Mitraša pani piäle vahnah tuatan takin , parembi sanuo kagluksen , kudai oli katettu hyväl kois kuvotul kangahal .Sit vačan piäle kušakal sidoi polat , tuatan takis rodih pal’to ihan muassah .Vie meččyniekan poigu vyön tuakse navedi kirvehen , sumkan kompasanke riputti oigiele olgupiäle , a dvustvolkan "tulkan " huruale olgupiäle , sit hänes rodihes hyvä linduloin da zvierilöin pöllätys .
Nast’oi kerävyi meččäh , piäliči olgupiäs riputti käzipaikkah sivotun suuren poimičun .
– Miksebo sinule käzipaikku pidäy ?
– kyzyi Mitraša .
– A kuibo se ?
– vastai Nast’oi .
– Etgo sinä musta , kui mama sieneh kävyi ?
– Sieneh !
Äijän sinä ellendät : siendy ainos on äijy , käzipaikattah olgupiädy leikkuau .
– A garbaluo meil toinah vie enämbi rodieu .
Tahtoi vai Mitraša kolahuttua "vie midä !", no juohtuttih mieleh sanat garbaloloih näh , kuduat tuattah sanoi voinale lähtijes .
– Sinä mustat , – sanoi häi sizärele , – kui tata meile saneli garbaloloih näh : sie suole on moine mustokohtaine , palestinku .
– Mustan , – vastai Nast’oi , – garbaloh näh saneli , buite tiedäy kohtazen , kus on kylläl muarjua , no kuduah palestinkah näh oli pagin , en tiijä .
Vie mustan , saneli pahah Sogieh hettieh näh .
– Vot sie , Sogien hettien rinnal on se palestinku , – sanoi Mitraša .
– Tata sanoi : mengiä Korgiele harjale , jälles sidä kohtua mengiä pohjozehpäi , a sit konzu piäzettö läbi Heleväs havvužikos , astukkua kohti pohjozeh .
Sit ylen terväh tulou vastah teile se palestinku , kai ruskei , ihan gu veri , täyzi-tävvikkäine garbaluo .Sille palestinkale vie niken ei ole käynyh !
Mitraša pagizi jo seizojen veriäs .Nast’oi paginan aigua mustoitti : egläi hänel jäi koskemattah täyzi pada keitettyy kartohkua .Häi čökähtih päčin edeh , kualdi kartohkat poimiččuh .
– Aku vie yöksymmö , – tuli hänele mieleh .
– Leibiä otimmo , on vie butilku maiduo , kartohkatgi toinah pätäh .
A velli sil aigua duumaičči , što sizär vie seizou hänen sellän tagua , ielleh pagizi kummallizeh palestinkah näh da sih näh , buite matkal sinne toven on Sogei hete , kunne on uponnuh äijy rahvastu , lehmiä da hebuo .
– Nu , sano sit , mittuine se on palestinku ?
– kyzyi Nast’oi .
– Ga etgo sinä kuulluh ?
– tostihes häi .
Sit jo astujes uvvessah saneli kai , midä kuuli tuatas tundemattomah palestinkah näh , kus kazvetah magiet garbalot .
Päiväzen aittu. 2
Livvi
New written Livvic
–
Пришвин Михаил
Кладовая солнца. 2
Russian
—