VepKar :: Texts

Texts

Return to list | edit | delete | Create a new | history | Statistics | ? Help

Ristikanzan väittömys da Jumalan vägi

corpus: Biblical texts

Source:
Uuzi Sana, 2003, p. 227

Toine kirjaine Korinfalazile

Ristikanzan väittömys da Jumalan vägi

Livvi
New written Livvic
1 Jumalan armos meil on nengoine ruado, sikse myö emmo kaimua rohkevuttu. 2 Myö hylgäimmö kai huijustettavat peittoruavot, emmo muanittele, emmo muuttele Jumalan sanua, a avuammo toven i annammo jogahizele suudie meidy hänen hengen mugah Jumalan ies.

3 Gu meijän jevangelii ollou peitos, se on peitetty niilöis, kudamat hävitäh, 4 niilöis uskomattomis, kudamien mielen nygözen muailman jumal muga sogai, ga hyö ei nähtä sidä taivahallistu valgiedu, kudai lähtöy Hristosan jevangelien suures valgies, Hristosan, kudai on Jumalan kuva.

5 Emmohäi myö sanele meis ičes. Myö sanelemmo Iisusas Hristosas, gu Häi on Ižändy, a myö olemmo teijän käskyläzet Iisusan täh. 6 Jumal, kudai sanoi: "Pastakkah valgei pimies", pastoi meijän sydämih, gu opastua meidy tundemah Jumalan taivahalline valgei, kudai läpettäy Iisusan Hristosan rožis.

7 Tämä bohatus on meis gu saviasties, gu nägys, se piäličimiäräine vägi on Jumalaspäi, a ei meis ičes tulluh.

8 Meidy kaikkielpäi ahtistetah, no ei voija ajua čuppuh; meil on ylen jygei, no myö emmo katkie; 9 olemmo painetut, no emmo ole Jumalan hyllätyt; olemmo muah polgietut, no ei hävitetyt.

10 Myö kannammo ainos omas rungas Iisusan surmua, gu Iisusan elaigugi tulis nägevih meijän rungas.

11 Meidy, kudamat vie olemmo elos, Iisusan täh ainos annetah surmale, gu Iisusan elaigu tulis nägevih meijän kuolijas rungas. 12 Muga surmu ruadau meis, a elaigu – teis.

13 Meil on se samaine uskonhengi, kudamas on kirjutettu: "Minä uskoin, sendäh rubein sanelemah". Myögi uskommo i sendäh sanelemmo. 14 Myö tiijämmö, Häi, kudai nostatti kuollielois Ižändän Iisusan, nostattau meidygi Iisusan luaduh i azettau yhtes teijänke iččeh edeh.

15 Kai tämä on teih niškoi, anna ainos vai enämbi rahvastu tiijustettas Jumalan hyvys da nostettas suurembi da suurembi kiitändyaldo Jumalan kunnivokse.

Второе послание ап. Павла к Коринфянам. 4:1-15

Russian
1 Посему, имея по милости Божией такое служение, мы не унываем; 2 но, отвергнув скрытные постыдные дела, не прибегая к хитрости и не искажая слова Божия, а открывая истину, представляем себя совести всякого человека пред Богом.

3 Если же и закрыто благовествование наше, то закрыто для погибающих, 4 для неверующих, у которых бог века сего ослепил умы, чтобы для них не воссиял свет благовествования о славе Христа, Который есть образ Бога невидимого.

5 Ибо мы не себя проповедуем, но Христа Иисуса, Господа; а мы — рабы ваши для Иисуса, 6 потому что Бог, повелевший из тьмы воссиять свету, озарил наши сердца, дабы просветить нас познанием славы Божией в лице Иисуса Христа.

7 Но сокровище сие мы носим в глиняных сосудах, чтобы преизбыточная сила была приписываема Богу, а не нам.

8 Мы отовсюду притесняемы, но не стеснены; мы в отчаянных обстоятельствах, но не отчаиваемся; 9 мы гонимы, но не оставлены; низлагаемы, но не погибаем.

10 Всегда носим в теле мертвость Господа Иисуса, чтобы и жизнь Иисусова открылась в теле нашем.

11 Ибо мы живые непрестанно предаемся на смерть ради Иисуса, чтобы и жизнь Иисусова открылась в смертной плоти нашей, 12 так что смерть действует в нас, а жизнь в вас.

13 Но, имея тот же дух веры, как написано: я веровал и потому говорил, и мы веруем, потому и говорим, 14 зная, что Воскресивший Господа Иисуса воскресит через Иисуса и нас и поставит перед Собою с вами.

15 Ибо всё для вас, дабы обилие благодати тем бо́льшую во многих произвело благодарность во славу Божию.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages