Texts

Tiittu da hänen abuniekat

June 21, 2024 in 11:30 Нина Шибанова

created the text
created the text translation
created the text: ¹⁶ Passibo Jumalale, kudai pani Tiitangi sydämeh moizen, kui minul, rakkahuon avvuttua teidy. ¹⁷ Häi kuuli minun kehityksen, no hänes ičesgi on moine suuri rakkahus, ga häi omal himol lähtöy teijän luo. ¹⁸ Hänenke työnnämmö vie yhty uskovellie, kudamua kaikis uskojien kanzukunnis kiitetäh, sikse gu häi hyväl himol ruadau jevangelien hyväkse. ¹⁹ Paiči sidä, kanzukunnatgi vallittih händy meijän matkuvellekse vedämäh sidä lahjua, kudamua myö hommuammo Ižändän kunnivokse da meijän avvutanduhimon merkikse. ²⁰ I nenga myö vardoičemmokseh, gu emmo puuttus nikenen soimattavakse nämien suurien d՚engoin täh, kudamat on uskottu meijän käzih. ²¹ Tahtommo, gu kai olis hyvin ei vai Jumalan silmis, no i rahvahien silmis. ²² Työnnämmö heijänke matkah vie yhten uskovellen, kudaman ruadohimon myö puaksuh näimmö äijäs kohtas da kudai nygöi vie enämbäl pyrgihes ruadoh, gu lujah uskou teih. ²³ A ku sanuo Tiittah näh, häi on minun ruadovelli, häi ruadau teijän hyvyökse yhtes minunke, a nämä vellet ollah uskojien kanzukunnispäi työtyt, hyö ollah Hristosan kunnivonnu. ²⁴ Ozutakkua sit, kui työ suvaičetto heidy, anna uskojien kanzukunnat tiijustetah, myö emmo tyhjiä löyhkä teis.