Texts
Return to review | Return to list
Jerusaliman uskojile kerätäh d՚enguabuu
history
June 21, 2024 in 11:53 Нина Шибанова
- created the text
- created the text translation
- created the text: 1 Toven sanuo, minul ei ole hädiä kirjuttua teile, kui pidäy avvuttua jumalanuskojii. 2 Tiijänhäi, kui työ tahtotto ruadua sidä.^ Kiitin teidy Makedonies olles, sanoin sie, kui Ahaijasz jo mulloi oldih valmehet avvuttamah. Teijän rad՚en՚n՚u nostatti äijii. 3 Nygöi työnnän vellii matkah, gu minun kiitändy täs dielos ei ozuttazihes tyhjäkse, a työ olizitto valmehet, kui minä jo mainičin. 4 Eiga, gu tuldaneh sinne minunke makedonielazet da tavatanneh teidy ei valmehinnu, sit myö puutummo huigieh, gu nenga löyhkimmö – a teis ni pagize en. 5 Sikse minä näin, pidäy pagizuttua vellii, gu hyö lähtiettäs iel meidy teijän luo da ielpäi valmistettas teijän uskaldetun lahjan, anna se olis valmehennu da olis omal himol annettu, a ei vägeh otettu. 6 Mustakkua: ken kylväy vähän, se vähän i leikkuau, ken kylväy äijän, se äijän leikkuaugi. 7 Jogahine annakkah, min vačču käsköy, ei žiälöijen, ei vägeh, sikse gu Jumal suvaiččou hyväl mielel andajua. 8 Jumalal on vägie andua teile piäliči miäräs kaikkie hyviä, sit teil ainos da kylläl on kaikkie, konzu midä pidäy, i sit työgi voitto luadie piäliči miäräs kaikkie hyviä. 9 Onhäi kirjutettu: – Häi jagau, Häi andelou köyhile, Hänen hyvys kestäy ijän. 10 Häi, kudai andau kylväjäle siemenen da leivän syödäväkse, teilegi andau siemenet, kazvattau net da äijänkerdazesti suurendau teijän hyvien ruadoloin andimet. 11 Työ suatto kaikenluadustu eluo, i sit ičegi voitto andua žiälöiččemättäh.^ Nenga meijän ruado tuou äijän passibuo Jumalale. 12 Tämä teijän abu ei vai hävitä jumalanuskojien hädiä, a nostattau suuren kiitändyallon Jumalale. 13 Konzu työ täl ruavol ozutatto oman uskon, sit rahvas ruvetah kiittämäh Jumalua sendäh, gu työ heityttö Hristosan jevangeliele da juatto omua heile dai kaikile muile žiälöiččemättäh. 14 Hyö ruvetah molimahes teis tuači da heil roih igävy teidy sen piäličimiäräzen hyvyön täh, kudaman Jumal andoi teile. 15 Passibo Jumalale Hänen sanomattoman suures lahjas!