Texts
Return to review | Return to list
Apu Jerusalimin rissityillä
history
July 01, 2024 in 15:52 Нина Шибанова
- changed the comments
from Toine kirjaine Korinfalazile
to Apostoli Puavilan toini kirjani Korinfilaisilla
June 27, 2024 in 14:23 Нина Шибанова
- created the text
- created the text translation
- created the text: 1 Vellet, tahomma, jotta työ tietäsijä, mitein armollini Jumala on ollun Makedonijan uškojakunnilla. 2Vaikka hilä oltih hyvin vaikiet olot, kuitenki hyö oltih hyvin ilosie, ta vaikka oltih kovuan köyhie, hyö oltih valmehet antamah šuuri lahja. 3Mie voin tovistua, jotta hyö annettih niin äijän kuin šuinki voitih, ta vieläi šen piäličči.^ Vet hyö iče tahottih 4ta molimalla molittih, jotta myö ottasima hiät yhtehiseh ruatoh, pyhien auttamiseh. 5Ta hyö ruattih vielä enämmän, mitä myö toivoma.^ Hyö annettih iččeh enšin Hospotilla ta šiitä meilä niise, niin kuin oli Jumalan tahto. 6Šentäh myö pyrittimä Tiittua, kumpani alotti tiän kešeššä šamanmoisen hyvän ruavon, jotta vetäis šen loppuh šuate. 7Teilä on kyppisen kyllitellein kaikkie: uškuo, pakinaneruo, tietuo.^ Työ staraičetta kaikešša, ta työ tykkyättä meitä.^ Ka niin antakkua turpiešti täh lahjah. 8En šano tätä käškynä.^ Toisien innošta mainičen, jotta voisin nähä, kuin tovllini on tiän tykkyämini. 9Työhän tiijättä miän Hospotin Iisussan Hristossan armon: Hiän oli pohatta, ka tuli köyhäkši tiän tähen, jotta työ pohattusija Hänen köyhyöštä. 10Annan vain neuvon täššä as's'ašša.^ Šiitä on hyötyö teilä, ket viime vuotena alottija tätä ruatuo ta vieläi šuurella himolla tarttuja šiih. 11Šuattakkua nyt še ruato loppuh šuate.^ Työ alottija šen innolla, niin ni lopettakkua še, antakkua šen mukah, mitä teilä on! 12Kun ken ollou valmis antamah, niin häneltä otetah hyvillä mielin vaštah še, mitä hiän voit antua.^ Antajalta ei vuajita šitä, mitä hänellä ei ole. 13Pakina ei ole šiitä, jotta toisien elämä kohenis, ta teijän harteilla tulis šentäh takka.^ Pitäy vain jakua niin, jotta kaikilla ois yhen verran. 14Tänä päivänä teilä on äijän kaikkie, ta työ voitta lieventyä heijän puutetta.^ Toičči voit heilä olla kaikkie kyllitellein, ta šilloin hyö lievennetäh tiän puutetta.^ Näin kaikilla tulou tašah. 15Pyhissä Kirjutukšissa on šanottu täštä näin: – Ken keräsi äijän, šillä ei ollun liikua, ken keräsi vähän, šillä ei ollun puutetta.