Texts
Return to review | Return to list
Vai usko Hristossah luadiu ristikanzan oigiekse
history
July 02, 2024 in 13:55 Нина Шибанова
- created the text
- created the text translation
- created the text: 15 Myö olemmo roindua myö jevreit, a emmo ole, kui sanotah, ‘Jumalua tundemattomat riähkähizet’. 16 No gu myö tiijämmö, ristikanzu ei rodei oigiekse Jumalan ies Zakonan täytändäl, a vai uskon kauti Iisussah Hristossah, myö sežo rubeimmo uskomah Hristossah Iisussah, gu roitakseh oigiekse uskol Hristossah, a ei Zakonan täytändäl. Eihäi ni yksi ristikanzu rodei oigiekse Zakonan täytändäl. 17 No gu meidygi, kudamat tahtommo roitakseh oigiekse Hristosan kauti, nähtäh riähkähizinny, ga ongo Hristos sit riähkän käskyläine? Tiettäväine, ei! 18 Vastebo sit, gu ruvennen uvvessah nostamah sidä, min iče riičiin, minä ozutammos viäryniekakse. 19 Zakonan kauti minä kuolin Zakonah nähte, gu eliä Jumalah niškoi. Minuu nuaglittih ristah yhtes Hristosanke. 20 Jo en elä minä, a Hristos eläy minus. Tämän elaijan, kudaman elän vie täs rungas, minä elän uskos Jumalan Poigah, kudai suvaičči minuu da andoi hengen minus tuači. 21 Minä en kieldävy Jumalan hyvyös; vet gu ristikanzu voinnou roitakseh oigiekse Zakonan täytändäl, sit Hristos on kuolluh sudre.