Texts

Return to review | Return to list

Puavil kiittäy Jumalua

history

July 11, 2024 in 10:26 Нина Шибанова

• created the text
• created the text translation
• created the text: ³ Ylendetty olgah meijän Ižändän Iisusan Hristosan Jumal da Tuatto! Häi on Hristosan kauti blahoslovinnuh meidy kaikil Hengespäi tulluzil hyvyzil, midä on taivahallizis muailmois. ⁴ Häi valličči meidy Hristosas jo enne ilmoin alguu, gu olizimmo myö pyhät da vijattomat Hänen ies da eläzimmö suvaičukses. ⁵ Jumal jo ielpäi lepii meidy rodiemah Hänen omikse lapsikse Iisusan Hristosan kauti, moine oli Hänen hyvä tahto. ⁶ Ga kiitäkkiämmö sit Jumalua Hänen sanomattoman suuren hyvyön täh, kudaman Häi andoi meile oman armahan Poijan kauti. ⁷ Hristosan veren hinnal myö olemmo piästetyt välläle da saimmo prosken՚n՚an hairahtuksis. Moine agjatoi on Jumalan hyvys, ⁸ kudamua Häi kaikes omas mielevyös da ellendykses on andanuh meile žiälöiččemättäh. ⁹ Häi jiävii meile oman peitospietyn tahton, kudaman Häi omas hyvyös jo ielpäi kačoi täyttiä Hristosan kauti, ¹⁰ konzu aijat täytytäh: Hänen mieli oli suaja Hristosas yhteh kai, midä on taivahis dai mual. ¹¹ Hristosas myö saimmo kodivuitin, muga kui Jumal oli ielpäi kaččonuh da pannuh – Häi, kudai luadiu muga, ga kai rodieu Hänen tahton da piätöksen mugah. ¹² Sikse meil, kudamat enzimäzinny panimmo nad՚oužan Hristossah, pidäy eliä muga, gu meijän elaigu menis Jumalan taivahallizen valgien ylendämizekse. ¹³ Hristosas työgi saitto pečatikse uskaldetun Pyhän Hengen, konzu kuulitto toven sanan, hyvän viestin teijän piäzendäh näh, da rubeitto uskomah Häneh. ¹⁴ Se Hengi on annettu meile uskalmokse meijän kodivuitis sih suate, kuni Jumal ei piästä välläle omua rahvastu – kai Hänen taivahallizen valgien ylendämizekse.