Texts

Return to review | Return to list

Apostolan ruado

history

July 11, 2024 in 15:00 Нина Шибанова

• created the text
• created the text translation
• created the text: ¹ Juuri sendäh minä, Puavil, kudai Hristosan Iisusan tahtos olen kiiniotettu teijän, vierasheimolazien täh, molimmos Jumalale. ² Tiettäväine, työ kuulitto niilöis Jumalan mielis, kudamat Häi omas hyvyös andoi minule teih niškoi. ³ Jiävindän kauti minule on avattu nämä peittomielet, kui minä jo lyhyösti kirjutin teile. ⁴ Tädä lugijes työ voitto nähtä, kui hyvin minä olen peril peittomielis Hristossah näh. ⁵ Mennyzien polvien aigah niilöi ei annettu tiediä rahvahale, no nygöi Hengi avai net Hristosan pyhile apostoloile da iänenkandajile. ⁶ Net ollah täs: jevangelien vuoh Jumal andau kodivuitin Händy tundemattomile rahvahile yhtenjytyi jevreilöinke, net dai nämä ollah yhty rungua, i yksi sama uskalmo koskeh heidygi Hristosan Iisusan täh. ⁷ Minä rodiimmos tämän jevangelien levittäjäkse Jumalan n՚eruo myö, kudaman Häi omas hyvyös andoi minule omal väil. ⁸ Minule, pienimäzele kaikis jumalanuskojis, on annettu tämä n՚ero – sanella Jumalua tundemattomile rahvahile jevangeliedu Hristosan arbuamattomah bohattuoh näh ⁹ i avata kaikile, kui Jumalan peittomielet tullah tovekse.^ Jumal, kaiken luadii, on aijoin allus pidänyh niilöi peitos. ¹⁰ Nenga Jumalan monenluaduine mielevys avavuu nygöi uskojien kanzukunnan kauti muan da taivahan keskes olijoile vallanpidäjile da valloile. ¹¹ Se on Hänen ilmanigäine tahto, kudamal pidi stuaniekseh meijän Ižändän Iisusan Hristosan kauti. ¹² Gu myö olemmo Hristosas da uskommo Häneh, myö voimmo julgieh da suremattah tulla Jumalan luo. ¹³ Sendäh minä sanon teile: älgiä piekkiä pahua mieldy, hos minä tirpan gor՚ua teijän täh.^ Se roih teile kunnivokse. ¹⁴ Sendäh minä painun polvilleh Tuatan edeh, ¹⁵ kudamas joga tuatto taivahis dai mual sai tuatan nimen. ¹⁶ Molimmos, gu Häi oman agjattoman valgien mugah omal Hengel lujendas teijän hengie, gu se suas vägie. ¹⁷ Molimmos, gu Hristos uskol eläs teijän sydämes, a suvaičus olis teijän elaijan alustu da kazvon juuret. ¹⁸ Sit työ yhtes kaikkien jumalanuskojienke voitto ellendiä, mittuine levei, pitky, korgei da syvä on Hristosan suvaičus, ¹⁹ da voitto tiediä sen suvaičuksen, hos se on kaikkie tieduo korgiembi. Muga työ täytyttö kaikel Jumalan täydehyöl. ²⁰ Jumalale, kudai meis ruadajal väil voibi luadie äijiä kerdua enämbän, migu myö maltammo pakita libo duumaija, ²¹ Hänele kunnivo uskojien kanzukunnas da Hristosas Iisusas polves da polveh, ainos dai ilmazen ijän! Amin՚.