Texts
Return to list | edit | delete | Create a new | history | Statistics | ? Help
Jakovlev Sergei . Meren lapšet
Jakovlev Sergei
Meren lapšet
Karelian Proper
New written karelian
"Ota
merellä milma , tuatto ,
En voi rannalla enyä vuottua .
Äijän tiijän mie , kaikki maltan ,
Viisitoista jo täyty vuotta ."
"Elä kiirehä – tulou aika ,
Anna kašvetah muaha juuret .
Luaji pereh ta kotipaikka ,
Mi ei noššeta muašta tuulet ."
Eikä kuunnellun tuattuoh poika ,
Läksi meren luo šitä kyytie .
Šielä keräsi oman joukon ,
Ta i tälläyty kalanpyyntih .
Tiesi luovot ta kaikki korot ,
Tunti apajat , tuulen merkit ,
Merie myöten hiän kulki šuorah ,
Šurmapaikkoja aina kierti .
Oli meri kuin oma koti ,
Poikua muanitti puitto lempi .
Joka kerta še häntä vuotti ,
Anto kalua ta näytti tietä .
Ajan kuluos’s’a tuli pereh –
Hyvä naini ta kakši lašta .
Šitä lujempi kučču meri ,
Anto ošua ta otti vaštah .
Naini pyrittäy : "Pisy koissa ,
Ole lapšien luo vähän aikua .
Etkö elämyä tiijä toista ,
Onko rannalla šiula vaikie ?"
Oli šykyšy , kovat tuulet .
Meri leikki ta ualtoja nošti .
Mieš še kotihis ei ni tullun ,
Läksi merellä eikä myöštyn .
Tytär kaččelou vesiaštieh ,
Šinne čuhuttau omua šuarnua .
Poika rannalla käsie kaštau ,
Keryäy kivijä – kotih kantau .
Muamo pöläšty : "Šama juttu !"
Läksi meren luo , šilmie kaštau :
"Jätä rauhah miut !Etkö juutu ?
Lapšie šiun luokši mie en laše !"
Meren lapšet
Karelian Proper
New written karelian
"