Texts

Return to review | Return to list

Puavila kiittäy Jumalua

history

August 26, 2024 in 11:02 Нина Шибанова

• created the text
• created the text translation
• created the text: ³ Kiitetty olkah miän Hospotin Iisussan Hristossan Jumala ta Tuatto! Hristossan kautti Hiän plahoslovi meitä kaikilla Pyhän Henken antamilla lahjoilla, mitä on taivahissa. ⁴Šentäh kun Jumala tykkäsi meitä, Hiän jo ennein ilmojen alkuo valičči miät Hristossan tähen, jotta myö oisima Hänen ieššä pyhie ta vijattomie. ⁵Jumala jo ieltäpäin piätti ottua miät omiksi lapšiksi Iisussan Hristossan pelaššuštyön kautti.^ Tämä oli Jumalan hyvä tahto. ⁶Šentäh kiittäkkä myö Häntä šiitä, mitein armollini Hiän oli, kun lahjotti meilä oman armahan Poikah. ⁷ Hristossan Veren kautti myö piäsimä riähän vallašta ta miän pahat ruavot prostittih. Tämmöni pohjatoin on Jumalan armo, ⁸ mitä Hiän täyvellä kiällä anto meilä oman viisahuon ta maltannan mukah. ⁹Hiän ilmotti meilä oman peitošša ollehen tahon, kumpasen Hiän omašša hyvyöššäh oli piättän täyttyä Hristossan kautti. ¹⁰Ta še Hänen tahto, kumpasen Hiän omalla ajallah täyttäy, on tämä: Hiän yhistäy Hristossašša kaiken, mi on taivahašša ta muan piällä. ¹¹ Hristossan tähen šuamma perinnön, niin kuin Jumala oli mielin ta ieltäpäin piättän – Hiän, kumpani šuau kaiken käymäh oman tahon ta meininkin mukah. ¹² Myö enšimmäisinä panima oman toivon Hristossah.^ Šentäh miän pitäy elyä niin, jotta Jumalan šuurta nimie kiitettäis. ¹³ Nyt työ niise oletta kuullun tosišanoman, Hyvän Viessin pelaššukšešta, ta niin työ rupesija uškomah Hristossah.^ Hiän merkičči tiät omikseh antamalla teilä Pyhän Henken, kumpasen oli luvannun. ¹⁴Pyhä Henki on meissä merkkinä šiitä, jotta Jumala antau meilä perinnön.^ Näin on šiih šuate, kuni Jumala piäštäy oman rahvahan valloillah.^ Šentäh kiittäkkä myö Hänen šuurta nimie!