VepKar :: Texts

Texts

Return to list | edit | delete | Create a new | history | Statistics | ? Help

Kehitändät

corpus: Biblical texts

Source:
Uuzi Sana, 2003, p. 251

Kirjaine Filippalazile

Kehitändät

Livvi
New written Livvic
1 Ga sit, vellet minun, kudamii minä suvaičen da atkaloičemmos, työ, minun ilo dai kunnivovenču, pyzykkiä lekahtamattah Ižändäs, armahat!

2 Kehitän Jevodiedu da kehitän Sintihiedu elämäh sobuh Ižändän täh.

3 Kyzyn sinuugi, minun surematoi ruadovelli, avvuta nämii naizii, kudamat yhtes minunke torattih jevangelien puoles, muga kui torattih Klemens da toizet minun ruadovellet, kudamien nimet ollah elaijan kniigas.

4 Piekkiä ainos hyviä mieldy Ižändäs! Uvvessah sanon: piekkiä hyviä mieldy!

5 Anna teijän vačan pehmehys tiijustetah kai rahvas. Ižändy on lähäl.

6 Älgiä huolikkua nimidä, a avakkua ainos Jumalale, midä teile pidäy, molijen da pakiten kiitändänke. 7 Sit Jumalan rauhus, kudai on korgiembi kaikkie ristikanzan ellendysty, kaččou da vardoiččou teijän syväindy da teijän mielii, i työ pyzyttö Hristosas Iisusas.

8 Da sit vie, vellet, sanon: duumaikkua kaikkie, mi on tozi, mi on čestis piettävy, mi on oigei, puhtas, suvaittavu da hinnois piettävy, mi vai on hyvä da midä maksau kiittiä.

9 Ruadakkua sidä, midä opastuitto da otitto minus, midä minus kuulitto da näittö. Sit rauhan Jumal on teijänke.

Послание ап. Павла к Филиппийцам. 4:1-9

Russian
1 Итак, братия мои возлюбленные и вожделенные, радость и венец мой, стойте так в Господе, возлюбленные.

2 Умоляю Еводию, умоляю Синтихию мыслить то же о Господе.

3 Ей, прошу и тебя, искренний сотрудник, помогай им, подвизавшимся в благовествовании вместе со мною и с Климентом и с прочими сотрудниками моими, которых имена — в книге жизни.

4 Радуйтесь всегда в Господе; и еще говорю: радуйтесь.

5 Кротость ваша да будет известна всем человекам. Господь близко.

6 Не заботьтесь ни о чем, но всегда в молитве и прошении с благодарением открывайте свои желания пред Богом, 7 и мир Божий, который превыше всякого ума, соблюдет сердца ваши и помышления ваши во Христе Иисусе.

8 Наконец, братия мои, что́ только истинно, что́ честно, что́ справедливо, что́ чисто, что́ любезно, что́ достославно, что́ только добродетель и похвала, о том помышляйте.

9 Чему вы научились, что́ приняли и слышали и видели во мне, то́ исполняйте, — и Бог мира будет с вами.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages