Texts
Return to list | edit | delete | Create a new | history | Statistics | ? Help
Puavilan neuvoja
Puavilan neuvoja
Karelian Proper
New written karelian
1 Armahat
vellet , miula on ikävä teitä . Työ oletta miun ilo ta kunnivo . Pisykkyä häilymättä Hospotissa , armahaiset !
2Molin Jevodie ta molin Sintihie , jotta hyö elettäis keškenäh šovušša Hospotin tähen .
3Šilma niise molin , miun uškollini ruatovelli , auta näitä naisie . Hyö on yheššä miun kera staraitu levittyä Hyvyä Viestie , niin kuin on ruattu Klimenton ta muutki miun ruatovellet . Hiän kaikkien nimet ollah elämän kirjašša .
4Olkua aina ilosie Hospotissa . Šanon vielä kerran : olkua ilosie !
5Tulkah tiän leppevyš kaikkien ihmisien tietoh . Hospoti on jo lähellä .
6Elkyä olkua mistänä huolissana . Šuattakkua aina Jumalalla tietoh še , mitä tarvičetta , molikkua , kyšykkyä ta kiit täkkyä . 7 Šilloin Jumalan rauha , mi on šuurempi mitä ihmini voipi malttua , šuojuau tiän šytämet ta mielet , ta niin työ pisyttä Hristossašša Iisusašša .
8Lopukši , vellet , ajatelkua kaikkie šitä , mi on totta , mi on arvokašta , mi on oikieta , puhašta , tykättävyä ta kaunista . Mi šuinki on hyvyä ta mitä kannattau kiittyä , šitä ajatelkua .
9Ruatakkua šitä , mitä oletta miulta opaštun ta omakšun , mitä oletta miulta kuullun ta miušta nähnyn . Šilloin rauhan Jumala on tiän kera .
Puavilan neuvoja
Karelian Proper
New written karelian