Texts
Return to list | edit | delete | Create a new | history | Statistics | ? Help
Riähän ihmini, antihristossa
Riähän ihmini, antihristossa
Karelian Proper
New written karelian
1 Otamma
nyt pakinakši miän Hospotin Iisussan Hristossan tulomisen ta šen , jotta miät kerätäh Hänen luo . Myö molimma , vellet , 2elkyä mänettäkkyä mieltänä elkyäkä pöläštykkyä , kun teilä šanottaneh , jotta Hristossan päivä on jo tullun . Elkyä uškokkua tämmöistä pakinua , vaikka kennih šanois teilä , jotta Pyhä Henki šen hänellä ilmotti , tahi myö muka šanoma tahi kirjuttima niin .
3Elkyä antakkua kenenkänä millänä keinoin pettyä iččienä . Še päivä niät ei tule , kuni ihmiset ei kieltäyvytä ušošta ta kuni ei tule riähän ihmini , kumpani on mänöššä uatuh . 4Tuo ihmini vaššuštau kaikkie jumalallista . Hiän noštau iččeh korkiemmalla kaikkie , mitä pietäh jumalana tahi millä kumarrellah . Hiän ašettuu Jumalana istumah jumalankotih ta šanou olovah Jumala .
5Ettäkö muissa , jotta mie pakasin teilä täštä jo šilloin , konša olin tiän luona .
6 Työ tiijättä , mi tuota ihmistä vielä pijättelöy , niin jotta hiän ilmeštyy vašta , konša hänen aika tulou .
7Jumalan vaštani voima niät kun jo ruatau peitočči . Hänen , ken šitä vielä pijättelöy , on vain enšin mäntävä pois tieltä ,
8 ta šiitä ilmeštyy tuo Jumalan sakonan vaššuštaja . Konša Hospoti Iisussa tulou jälelläh , Hiän tappau tuon vaššuštajan oman šuuh henkähykšellä ta hävittäy omalla jumalallisella valollah . 9Jumalan sakonan vaššuštajan tulomini on šaatanan ruato . Konša hiän tulou , hiän luatiu kummie ta merkkiruatoja , mit muanitetah rahvašta . 10Kaikilla valehkeinoilla še muanittau niitä , ket jouvutah uatuh . Šinne hyö jouvutah šentäh , kun ei tykätty tositietuo , mi ois pelaštan hiät .
11 Šentäh Jumala työntäy heilä šuuren ekšytykšen , jotta hyö ušottais valeheh . 12Ta niin šuahah suutun kaikki ne , ket ei ušottu šiih , mi on tosi , vain valittih viäryš .
Riähän ihmini, antihristossa
Karelian Proper
New written karelian