Texts

Iisussan Hristossan hyvä käškyläini

October 07, 2024 in 16:27 Нина Шибанова

created the text: ⁶ Kun näin opaššat vellijä, olet hyvä Hristossan Iisussan käškyläini.^ Šie iče niise šuat voimua ušon ta oikien opaššukšen šanoista, kumpasien mukah olet elän. ⁷Jumalattomie ta tyhjänpäiväsie starinoja elä kuuntele, vain totuta iččeš oikieh uškoh. ⁸ Runkon harjottelušta on vain vähäsen hyötyö, ka oikiešta ušošta on hyötyö kaikkeh, šentäh kun še lupuau elämän nykyseššä ta tulijašša ajašša. ⁹Tämä šana on tosi ta še kannattau ottua vaštah. ¹⁰ Šitä vaššenhan myö ruamma ta käršimmä ahissukšie, kun panima toivon eläväh Jumalah, kumpani on kaikkien ihmisien Pelaštaja, šemminki uškojien. ¹¹ Näitä as's'oja neuvo ta opašša. ¹²Kenkänä ei šua vähekšie šilma nuoren ijän tähen.^ Ole uškojilla mallina pakinoissaš ta elämäššäš, toisien tykkyännäššä, henkeššä, ušošša ta puhtahuošša. ¹³Luve uškojakunnalla Pyhie Kirjutukšie, neuvo ta opašša šini, kuni mie en tule. ¹⁴Elä jätä käyttämättä šitä henkellistä lahjua, kumpasen šait Jumalalta tullehen viessin kautti, konša uškojakunnan vanhimmat pantih käteh šiun piällä. ¹⁵Pie huolta täštä kaikešta ta rua aina näin, jotta kaikin nähtäis šiun eistymini. ¹⁶Kačo tarkkah, mitein elät ta mitä opaššat.^ Pie kiini näistä neuvoista!^ Šilloin pelaššat iččeš ta ne, ket kuullah šilma.

October 07, 2024 in 16:27 Нина Шибанова

October 04, 2024 in 14:17 Нина Шибанова