Texts
Return to list | edit | delete | Create a new | history | Statistics | ? Help
Kehitändysanat prosken՚n՚oikse
Kehitändysanat prosken՚n՚oikse
Livvi
New written Livvic
10 Sinä
tarkah novvit minuu – opastandois , elaijas , tahtolois , uskos , tirpandas , suvaičendas , keständäs , 11 painandois da muokis , moizis , mittumat tuldih minun piäle Antiohies , Ikonies da Listras . Mittumat muokat minä kestin !No kaikis niilöis piästi minuu Ižändy .
12 Dai kaikkii niilöi , ket tahtotah eliä jumalahizesti Hristosas Iisusas , ruvetah painamah .
13 Pahat rahvas da muanittelijat heitytäh vie pahembakse , yöksytetäh muidu da yöksytäh iče .
14 A sinä pyzy sit , mih olet opastunnuh da mih uskot lujah . Tiijäthäi , kes olet sen opastunnuh .
15 Sinä jo pahas pienyössäh tunnet Pyhät Kirjutukset , kudamat voijah andua sinule mieldy , i uskojen Hristossah Iisussah sinä suat piäzendän .
16 Kai pyhät kirjutukset on Jumalan Hengespäi tulluot i ollah avunnu opastandas , n՚evvondas , kohendamizes da kazvattamizes tozioigieh elaigah . 17 Nenga Jumalan ristikanzu roih kaikelleh valmis kaikkih hyvih ruadoloih .
4
1 Jumalan da meijän Ižändän Hristosan Iisusan ies , kudai tulou suudimah elävii dai kuolluzii , da pidäjen mieles Hänen tulendua da valdukundua minä käsken sinule : 2 sanele jevangeliedu , astu edeh aijallizel dai aijattomal aijal , opasta , kiellä dai kehitä suuren tirpandanke da kaikelleh n՚evvojen .
3 Kačo gu tulou aigu , konzu rahvas ei ruveta tirpamah tervehii opastandoi , a omal himol kerätäh ičes ymbäri opastajii , kudamat sanotah sidä , midä heile himoittas kuulta , mi on hyvä heijän korvale . 4 Hyö typitäh korvat tovele , da kiännytäh kuundelemah zuakkunoi .
5 A sinä elä selgiel piäl kaikes , kestä muokat , rua loppuh suate jevangelistan ruado da luaji kai , midä pidäy luadie sinun ruadosijal .
6 Minun elos on jo pandu žertvakse altarile , tuli minun lähtendyaigu .
7 Piin hyvän uskontoran , juoksin agjah suate , uskuo en kaimannuh . 8 A nygöi minule on varustettu oigien elaijan palkakse voittajan venču , kudaman andau minule Ižändy , oigei sud՚d՚u , omannu tulendupäivänny . I ei anna vai minule , a andau kaikile , ket suvaittih Hänen tulendua .
9 Opi teriämbi piästä tulemah minun luo .
10 Dimas mieldyi nygözen muailman dieloloih i sendäh jätti minuu da lähti Fessalonikah . Kriskent meni Galatieh , a Tiittu – Dalmatieh .
11 Vai Luka on tiä minunke . Ota kerale Markua da tuo tänne , minule pidäs händy täh ruadoh .
12 Tihikan minä työnnin Efessah .
13 Konzu tulet , tuo tulles minun piällyssoba , kudaman jätin Troadah Karpan luo , da tuo kniigat , enne kaikkie pergamentat .
14 Vaskiseppy Aleksandru luadii minule äijän pahuttu ; maksakkah hänele Ižändy hänen ruadoloi myö .
15 Vardoiččei sinägi hänes , gu häi ylen äijäl vastusti meijän sanoi .
16 Konzu enzi kerran puolistin iččie suvvon ies , niken ei olluh minun puoleh . Anna ei panna sidä heile viäryökse .
17 No Ižändy oli minun rinnal da lujendi minuu , gu voizin vediä loppuh suate hyvän viestin sanelendan da gu kai Jumalua tundemattomat rahvahat kuultas . Muga minä piäzin hukan hambahis ,
18 i piästäy iellehgi minuu Ižändy kaikes pahas da vedäy taivahallizeh valdukundah . Hänele kunnivo ainos dai ilmazen ijän . Amin՚ .
Kehitändysanat prosken՚n՚oikse
Livvi
New written Livvic
1
Второе послание ап. Павла к Тимофею. 3:10-17 - 4:1-18
Russian
1