Texts
Return to list | edit | delete | Create a new | history | Statistics | ? Help
Lopunajan ihmiset
Lopunajan ihmiset
Karelian Proper
New written karelian
1 Šiun
pitäy tietyä , jotta viimesinä päivinä tullah jykiet ajat .
2Šilloin ihmiset tykätäh vain iččieh ta rahua . Hyö kehutah iččieh ta ollah ylpiet , haukutah toisie eikä totella omie vanhempie . Hyö ollah kiittämättömät ta jumalattomat eikä tykätä toini toista . 3Konša šiännytäh , ei lauhuta . Hyö kielitelläh toisien piällä , ei hallita iččieh , ollah ruakaluontosie ta kaiken hyvän vihollisie . 4Hyö petetäh , ollah kovašiämisie ta mielettömie . Hyö tykätäh enämmän makieta elämyä kuin Jumalua . 5Piältä kaččuon hyö ollah jumalahisie , ka kielletäh ušon voima . Šemmosista pisy erošša !
6Eryähät heistä männäh rahvahan kotiloih ta muanitellah kepiemielisie ta riähkäh uponnehie naisie , kumpasie revitelläh monenmoiset pahat himot . 7Nämä naiset ollah aina kuuntelomašša opaššušta , ka ei miteinkänä voija piäššä perillä tositiijošta .
8 Niin kuin Jannei ta Jamvrei vaššuššettih Moisseita , šamoin tuommoset ihmiset vaššuššetah tosišanomua . Heijän järki on pimeytyn ta heijän ušošta ei ole mitänä hyötyö .
9Ei hyö piäššä loitoš , šentäh kun ruttoh kaikin nähäh , mitein mielettömät hyö ollah . Šamoin ni Jannein ta Jamvrein mielettömyš tuli näkyvih .
Lopunajan ihmiset
Karelian Proper
New written karelian