Texts

Šipainiekat

October 18, 2024 in 14:39 Александра Родионова

created the text
created the text translation
created the text: Šipainiekat forelinke, menetiije minke, mibo se on karjalaine šipainiekku? Oi, midä vai sinne ei panna. Minä kui buabo da muamo pastettih, muga i minä. Vai on yksi meile probliemu: papa Priäžin karjalane, mama Anuksespäi. A Priäžäs, meile Vieljärves, pastetah suuret, nengomat, a mama Anukses pikkaraizii. A minä en voi piendy pastua. Minul ollah šipainiekat suuret. Mama ainos pastoi, joga päiviä. Huondeksel viijen aigah nouzou, seiččemen aigah jo oldih piirait stolal. Mittumuatahto da pastoi. Enne myö ainos otimmo libo hapaimaiduo, rieskumaiduo, voidu vähäizen suliimmo sinne, dai minä muga ruan. Nu, toiči vie jäiččäizen yhten panen. Erähät luajitah vie valges jauhos, a minä en, rugehizes jauhos i kartohku libo brossu syväimekse i pastammo muga. No se pidäy jo nero, pidäy jo silmil kaččuo kui.