Texts
Return to review | Return to list
Jumalan uskalmo on luja
history
October 25, 2024 in 14:36 Нина Шибанова
- created the text
- created the text translation
- created the text: 13 Konzu Jumal andoi oman uskalmon Avraamale, Häi lujai sen oman ičen nimel, gu ei olluh nikedä suurembua, kudaman nimel Häi voinnus sen lujata. 14 Häi sanoi: «Toven sanon, Minä azun sinule äijän hyvytty da suurendan sinun rovun». 15 Muga Avraam, gu hätken tirpi, sai uskaldetun. 16 Rahvas annetah sana kenentahto iččie suuremban nimel.^ Se sana lujendau heile dielon da loppou kai kiistat. 17 Sikse Jumalgi, gu lujata oma uskalmo, andoi sanan.^ Nenga Häi tahtoi vie lujembah ozuttua niilöile, kedä se uskalmo koskih, mittumat muuttumattomat ollah Hänen mielet. 18 Jumal ei voi kielastua.^ Sendäh nämä kaksi dieluo, Jumalan uskalmo da luja sana, ollah muuttumattomat.^ Nämien dieloloin vuoh Häi tahtoi andua äijän rohkevuttu meile, kudamat pagenimmo Hänen luo da ripummo sit nad՚oužas, kudai on juuri meijän ies. 19 Se nad՚oužu on meijän hengele gu juakkuri, luja da lekahtamatoi, da se menöy keskuszuavesin tuakse jumalankoin Kaikispyhimäh. 20 Sinne ennepäi meni Iisus meijän puoles, gu Hänes rodiihes ylimäine pappi ilmazekse ijäkse, moine kui Melhisedek.