Texts

Return to review | Return to list

Poika, ihmisien Velli

history

October 30, 2024 in 16:52 Нина Шибанова

• created the text
• created the text translation
• created the text: ⁵Tulijua muailmua, šitä mistä nyt pakajamma, Jumala ei antan anheliloilla hallittavakši. ⁶Pyhien Kirjutukšien missä lienöy kohen ken lienöy tovisti šiitä näin: – Mi še on ihmini!^ Kuitenki Šie häntä muissat. Mi še on ihmisen lapši!^ Kuitenki Šie piet häneštä huolta. ⁷Vähäsekši ajakši Šie alennit hänet anhelija alemmakši, šiitä annoit hänellä voiton merkiksi mainehta ta kunnivuo, panit hänet halliččomah käsieš ruatoja, ⁸panit kaiken hänen jalkojen alla. Jumala niätšen pani kaikki ihmisen vallan alla, Hiän ei jättän mitänä hänen vallan alla panomatta. Vielä myö emmä voi nähä, jotta kaikki ois ihmisen vallašša. ⁹Šen myö kuiteski niämmä, jotta Iisussa, «vähäsekši ajakši anhelija alemmakši alennettu», kuoloman muokat keššettyö šai voiton merkiksi mainehta ta kunnivuo.^ Armollisen Jumalan tahto niät oli, jotta Iisussa joutu käršimäh kuoloman jokahisen ihmisen puolešta. ¹⁰ Jumala, ken on kaiken Luatija ta perušta, tahto tuuvva äijän lapšie jumalalliseh valoh.^ Šentäh Hänen piti käršimykšien kautti luatie Iisussašta, heijän pelaštajašta ta perilläviejäštä, täyvellini. ¹¹ Hänellä on šama Tuatto kuin niillä, ketä Hiän puhistau. Šentäh Iisussa ei häpie kuččuo heitä omiksi vellilöiksi.^ Hiän šanou Tuatollah: ¹² – Mie kerron Šiun nimeš voimašta omilla vellilöilläni, laulan Šiula kiitošviršie uškojakunnan kešeššä. ¹³ Hiän šanou niise: – Mie panen turvani Hospotih. Ta vieläi šanou: – Täššä myö olemma, Mie ta lapšet, kumpaset Jumala Miula anto. ¹⁴ Nämä lapšet ollah ihmisie, lihua ta vertä, ta šentäh Iisussa niise tuli ihmisekši, hiän moisekši.^ Šillä keinoin Hiän šuatto omalla kuolomalla hävittyä vallan juavelilta, kuoloman isännältä. ¹⁵ Näin Hiän piäšti ihmiset kuoloman varuušta, mi oli pitän heitä orjina koko heijän ijän. ¹⁶ Ei Iisussa tullun auttamah anhelija, kun Aprahamin jälkiläisie. ¹⁷ Šentäh Hänen piti tulla kaikešša vellieh moisekši, jotta Häneštä tulis armahtava ta varma Ylipappi ta Hiän vois Jumalan ieššä šovittua oman kanšan riähät. ¹⁸Šentäh kun Iisussa kešti muokat ta muanitukšet, Hiän voipi auttua niitä, ketä niise muanitellah pahah.