Texts

Return to review | Return to list

Kaksi den’gubumuagastu

history

November 07, 2024 in 14:49 Нина Шибанова

• created the text
• created the text: Prouzuliteratuuras lugiettuloin uskondosuarnoin pohjal Konzu den’goin lopui igä, Juamalalluo tulla pidi, Kaksi den’gubumuagastu Ugodittih ihan vastai. Yksi oli ihan puhtas, Toine buite löytty luhtas, Yksi oigei, silei reunu, Toine murčas, buite helmu. Kunne meijät Jumal pannou, Muanalah, ku riähkät nägöy, Vaigo taivahazeh nostau? – Kačahtellah toine tostu. Yksi viäristelöy neniä – Olen ihan puhtas den’gu, Pädöy taivahazeh nosta, Kallehembi olen tostu. Neče pieni den’gu rinnal Palakkah jo enzisillal, Kunne mostu ligahistu? Ei päi se ni rinnal istuo! Eihäi taki minuu alah Jumal työnnä yhteh palah, Elän taivahas vie hätken, Ei ole nimidä riähkiä. Tuli aigu, mollei kahtei Suadih tiediä, kenen riähkät Jumal tazoittau da poltau, Kenen taivahazeh ottau. Kaibo rodih ihan toizin. Vanhu den’gu yläh nouzi, Muanalazeh den’gu uuzi, Hänenke vie viizi-kuuzi. Mindäh nenga, Jumal, sano, Myöhäi emmo pahua ruannuh. Ijän suures den’gutukus, Sukas, uzlas, ainos lukus. Etto ruannuh pahua – hyvä, Luajittogo midä hyviä? Tejis oli tolkuu keltah? Kävyittö hos kerran velgah? Kirikköh näh en ni kyzy! Den’gu suuri tukus pyzyy, Suuri den’gu mielel omal Hätken viruu uuzi, čoma. Pieni den’gu teijän rinnal – Kaikkii kallehembi hinnal! Sidä minä puaksuh näin, Konzu kirikkölöih käin. Ruadokäispäi – kädeh orboin, Siirdyi pakiččijan kobrah, Ainos oli parandamas, Syöttämäs da kohendamas. Palkas, avus, ainos vellas, Tänne se ei piässyh kerras. Ruaduo pädemätöi rodih, Tuli tänne, omah kodih. Den’gan suittamizeh älgiä Aigua menetäkkiä äijiä, Hyväh dieloh panematoi Den’gu rodieu pädemätöi.