Texts
Return to review | Return to list
Eläkkiä pyhiä elaigua
history
November 12, 2024 in 12:48 Нина Шибанова
- created the text
- created the text translation
- created the text: 13 Ga sit piekkiä iččie käzis da piekkiä mielet selgienny.^ Tävves uskos vuotakkua sidä Jumalan hyvytty, kudai teile annetah, konzu Iisus Hristos jiävihes. 14 Kui sanankuulijat lapset, älgiä heitykkiä noudamah pahoi himoloi, kudamien vallas työ enne elittö, konzu olitto tiedämättömät. 15 Kui Häi, kudai teidy kučui, on pyhä, muga työgi roikkua pyhikse kaikes, midä ruatto. 16 Onhäi Pyhis Kirjutuksis sanottu: «Olgua pyhät, sendäh gu Minä olen pyhä». 17 I gu kerran työ malittulois sanotto Tuatakse Händy, kudai valliččemattah suudiu jogahistu hänen ruadoloi myö, ga eläkkiä sit Jumalua varaten tämä aigu, kudaman työ elättö mual vierahinnu. 18 Tiijättöhäi, teidy piästettih välläle tuattoloin tyhjäs elaijas ei mintahto häviejän tavaran hinnal, hobjan libo kullan, 19 a Hristosan, sen vijattoman da puhtahan Vuonan kallehen veren hinnal. 20 Händy vallittih jo enne muailman luajindua, a nygöi loppuaijoil jiävittih teih niškoi. 21 Hänen vuoh työ uskotto Jumalah, kudai nostatti Händy kuollielois da andoi Hänele suuren kunnivon.^ Muga teijän usko da nad՚oužu ollah kiini Jumalas. 22 Nygöi, konzu työ puhtastuitto toven novvandal da rubeitto puhtahal mielel suvaiččemah vellii, ga suvaikkua sit toine tostu väzymättäh, tävvel sydämel. 23 Työhäi rodiittokseh uvvessah, vai etto häviejäs siemenes, a häviemättömäs, Jumalan elävän da ilmanigäzen sanan kauti. 24 Sanotahhäi Pyhis Kirjutuksis: – Ristikanzu on gu heiny, ristikanzan čomus on gu niityn kukkaine. Heiny kuivau, kukkaine kirbuou, 25 a Ižändän sana kestäy ilmazen ijän. I tämä on se sana, kudai on teile iloviestinny saneltu.