VepKar :: Texts

Texts

Return to list | edit | delete | Create a new | history | Statistics | ? Help

Elaijan muutos

corpus: Biblical texts

Source:
Uuzi Sana, 2003, p. 298

Pedrin enzimäine kirjaine

Elaijan muutos

Livvi
New written Livvic
1 Nu gu Hristos omal rungal tirpi gor՚at, otakkua työgi tämä tirpandumieli toravehkehekse, sendäh gu ken omal rungal on nähnyh gor՚ua, se heittäy riähkän azundan. 2 Sit häi ei elä jiännytty elaigua ristikanzan himoloin mugah, a eläy Jumalan tahton mugah.

3 Luajiittohäi työ mennyzil aijoil jo kylläl sidä pahua, midä Jumalua tundemattomat rahvahat suvaijah luadie. Työ elittö vällillisty elaigua omis himolois, joitto, piruičitto, humaloičittokseh da ruavoitto ilgiedy ruaduo, gu kumardelittokseh valehjumaloile. 4 Nygöi hyö kummeksitah sidä, gu työ etto juokse heijänke sih samazeh vällillizen elaijan virdah, da nagretah teidy.

5 No heil pidäy andua čottu Hänele, kudai on valmis suudimah elävii dai kuolluzii.

6 Sendäh kuolluzilegi on saneltu jevangelii, anna heijän hengi eläs, muga kui eläy Jumal, hos heijän rungu sai sen samazen suvvon, kui kai rahvas.

7 Kaikele tulou terväh loppu. Olgua sit vagaval mielel da selgiel piäl, gu voizitto moliekseh.

8 Enne kaikkie suvaikkua lujah toine tostu, sendäh gu suvaičendu kattau äijät riähkät.

9 Vastakkua toine tostu hyvin da kurkettamattah.

10 Avvutakkua toine toizele Jumalan annetul n՚erol, piekkiä huoldu Hänen kaikenluaduzis hyvyzis, kui hyvät koinkaččojat.

11 Gu ken paissou, paiskah Jumalan annettuloil sanoil, gu ken avvuttannou toizile, avvutakkah Jumalan annetul väil, gu Jumalale annettas kunnivo kaikes Iisusan Hristosan kauti. Hänen on kunnivo da valdu ainos dai ilmazen ijän. Amin՚.

Первое соборное послание святого апостола Петра. 4:1-11

Russian
1 Итак, как Христос пострадал за нас плотию, то и вы вооружитесь тою же мыслью; ибо страдающий плотию перестает грешить, 2 чтобы остальное во плоти время жить уже не по человеческим похотям, но по воле Божией.

3 Ибо довольно, что вы в прошедшее время жизни поступали по воле языческой, предаваясь нечистотам, похотям (мужеложству, скотоложству, помыслам), пьянству, излишеству в пище и питии и нелепому идолослужению; 4 почему они и дивятся, что вы не участвуете с ними в том же распутстве, и злословят вас.

5 Они дадут ответ Имеющему вскоре судить живых и мертвых.

6 Ибо для того и мертвым было благовествуемо, чтобы они, подвергшись суду по человеку плотию, жили по Богу духом.

7 Впрочем близок всему конец. Итак будьте благоразумны и бодрствуйте в молитвах.

8 Более же всего имейте усердную любовь друг ко другу, потому что любовь покрывает множество грехов.

9 Будьте страннолюбивы друг ко другу без ропота.

10 Служите друг другу, каждый тем даром, какой получил, как добрые домостроители многоразличной благодати Божией.

11 Говорит ли кто, говори как слова Божии; служит ли кто, служи по силе, какую дает Бог, дабы во всем прославлялся Бог через Иисуса Христа, Которому слава и держава во веки веков. Аминь.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages