Texts
Return to list | edit | delete | Create a new | history | Statistics | ? Help
Kroshnina, Lidiya. Kesryäjä
Kroshnina, Lidiya
Kesryäjä
Karelian Proper
New written karelian
evdokija Vasiljevna Lobskajan valosakši muissokši
Tuaš muisselmissa mie myöššyn kyläh , Dus’a-ämmön mukavah taloh .Mie muissan hänen ruatajie käsie , lämmintä ta leikkimielistä kačahušta ta niin šielulla omua pakinantapua .
– Dus’a-ämmö , opašša milma kesryämäh .
– A-voi-voi , höperryitkö šie vain mitä ? Mitä varoin še šiula tarviččou ?
– Ka tarviččou !
– Tosiehko ? No hyvä .Mintäh en ni opaštais ?Opaššan šilma raukkua .Käsin tahi rukilla tahot kesrätä ?
– Tahon kuot’ella rukilla tai käsin .
– Voi , mukava tyttö olet ! Tänä-piänä on šuovatta , neiččyöt keräyvytäh klubih tanššiloih , a šie rupiet kesryämäh .Mäne vain niise tanššimah !Huomena rupien opaštamah !
– En lähe , opaštukka tänäpiänä ! En taho tanššiloih !
– No hyvä , ka enšin onnakko pitäy villua varuštua .
– Mitein ?
– A vot näin . Otat kartat , panet vähäsen villua yhen piällä , a toisella rupiet karttuamah , kuni villa ei tule pehmiekši ta pöyhiekši .Vuota vain , heti näytän !Näin tulou , a šiitä ota enši näpillini villua , a valmehet pane erilliseh tukulliseh !Kuot’t’ele vain !
– Äijänkö tarviččou ?
– Melko äijän . A mie mänen pihalla otan vuattiet kuivumašta , kohta vihma alkau .Kun et taho tanššie , ni mäne ruatamah !
Dus’a-ämmö muhahti , kiikutteli piätäh ta mäni pirtistä .A mie rupesin kuot’t’elomah kesryäjän roolie .Pari kertua pissin šormen .A šiitä kiät hil’l’akkaiseh totuttih ta ruato mäni rutompah .Šilloin ämmöki myöšty puhtahien vuatteijen kera .
– Kačo , riittäykö nyt ?
– Riittäy , nyt ota vähäsen villua ta kiäri še rullalla . Näin hyvin on .Nyt issu rukin luo .Rupiemma kuot’t’elomah .Pane jalka polimella ta elä kiirehä !Et vet polkupyörällä aja !
– Ka täššähän on hyvin täyvellini tieto !
– A mitein muitein ! Nyt kiinitämmä villua ta šivomma lankan alun .Pyöritä rataš ta šormilla vejä hil’l’akkaiseh villua .Niin .Kačo , jotta lanka ei tulis liijan hienoni eikä liijan pakšu , ta jotta še tulis tašani .Elä kiirehä , šanoin vet !Kiirehen töitä rahvaš nakrau !
– Voi , eipä še kovuan hyvin vielä onnissu !
– Ei ole hätyä , onnistuu vielä ! Mimmoista lankua kesryät , šemmoset šukatki jalkah panet .Niätkö , mitein asie mäni ?Moločča olet !
Dus’a-ämmö muhi ta rupesi laulelomah :
– Rupien mie kesryämäh ,
Enkä lähe tanššimah !
Ilman nuorie prihoja
Eloš miun on mukava !
Hiän tallasi jalalla ta nakrahti .
– Panen čäinikän kiehumah . Riittäy ruatuo täkši päiväkši .Läkkä čäijyö juomah !
Kesryäjä
Karelian Proper
New written karelian
–