Texts
Return to list | edit | delete | Create a new | history | Statistics | ? Help
Kroshnina, Lidiya. Šuorah kouluh
Kroshnina, Lidiya
Šuorah kouluh
Karelian Proper
New written karelian
Tuli
aika miän čikkoni kera lähtie enšimmäiseh luokkah .Myö kun olemma kakšoset , ni šyyškuun 1.päivänä yheššä kouluh šuoriutumaki .
Mamma anto meilä koulupuvut – pruunin väriset mekot , kumpasih hiän iče ompeli valkiet kaklukšet , šekä valkiet peretnikät ta valkiet rušetit .Myö panima kaikki piällä ta tulima niin vorssoiksi !
Myö šeisoma muamon ieššä ta kuuntelima hänen n’euvoja matkah lähtiessä .
– Aštukkua šuorah kouluh ! Još myöhäššyttä , ni kouluh teijät ei piäššetä !
Šiih aikah myö uškoma joka ša-\nah , erityisešti mie .Ta mie maltoin kaikki šanat šuorah , ilman peittošyitä .
Mie kyšyin mammalta :
– A miteinpä myö šuorah lähemmä ?Šielä vet on aitoja .Pitänöykö meijän niijen piäličči karhata ?Voipiko meijän vähäsen vinoh kiäntyö ?
Muamo kačahti miuh šurkiešti :
– A-voi-voi , Lil’ka , konšapa šie malttamiseh piäšet ?No , moušot hoti koulu lisyäy šiula älyö .Kouluh juoškua polkuo myöten , šuorah polkuo myöten , elkyä kunnena kiäntykkyä .
A mie kun olin hyvin rauhatoin ta paikalla pisymätöin , ni kuni kouluh aštuma , mie jo kerkisin lanketa lätäkköh ta likauttua valkien juhlaperetnikän .Itun kera juoksin kotih ta šanoin mammalla :
– Enämpi en lähe kouluh !
Muamo rauhotti miut , anto toisen , muššan peretnikän ta käški :
– Ruttoh , piä kolmantena jalkana juokše kouluh !
Mie kerkisin vain avata šuun , jotta kyšyö :
"Mitein še niin ?"
Kun mamma jo šano :
– Juokše , mie šanoin !
Niin mie juoksinki .Kerkisin tavata čikon koulun kynnykšellä .A Lida niin ihaštu !Hiän ei tahton ilman milma aštuo kouluh .
Niin meilä alko pitkä kouluelämä .
Nyt še mie jo viisaššuin , maltan kaikki šanat ta niijen peittošyyt .Tottaš , koulu autto …
Šuorah kouluh
Karelian Proper
New written karelian
–
–
–
–
"
–