Texts

Hristossa elämän mallina

November 25, 2024 in 17:27 Нина Шибанова

created the text
created the text: ¹⁸ Käškyläiset, kunnivoittakkua omie isäntie ta totelkua heitä, ei vain hyvie ta leppeitä, ka šamoin kovaluontosie. ¹⁹Plahoslovenjan šuau še, kumpani Jumalua mieleššä pityän keštäy vaivoja ta vijattomana käršiy. ²⁰Mitä kiittämistä šiinä on, kun työ keštänettä, konša teitä kuritetah tiän pahoista ruatoloista? Vain kun työ keštänettä, konša jouvutta käršimäh hyvien ruatojen takie, šiitä Jumala teitä kiittäy. ²¹Niätšen šiih tiät on kučuttu. Käršihän Hristossa niise miän puolešta ta jätti meilä mallin, jotta myö kulkisima Hänen jälkijä. Pyhissä Kirjutukšissa šanotah Häneštä näin: ²² – Hiän ei riähkyä luatin, Hänen šuušta ei valehta kuultu. ²³ Häntä haukuttih, ka Hiän ei vaššannun šamalla.^ Hiän kärši, ka ei varautellun tašuamisella, kun anto Iččeh oikiemielisen Suutijan käsih. ²⁴Hristossa Iče kanto omašša Runkoššah miän riähät rissinpuulla, jotta myö kuolisima pois riähistä ta eläsimä Jumalan tahtuo myöte.^ Hristossan huavat parennettih tiät. ²⁵Työ olija niin kuin ekšynyöt lampahat (ilmain paimenta), vain nyt kačo työ myöštyjä tiän henken Paimenen ta Kaččojan luo.

November 14, 2024 in 15:39 Нина Шибанова