Texts
Return to list | edit | delete | Create a new | history | Statistics | ? Help
Rissityn muokat
Rissityn muokat
Karelian Proper
New written karelian
12Kallehet
vellet ! Elkyä kummekšikkua šitä muokkien tulta , kumpasešša oletta . Še tuli näyttäy , keštäykö tiän uško . Elkyä ajatelkua , jotta teilä tapahtuu mitänih outuo .13Parempi iluol'kua šiitä , jotta šuatta käršie Hristossan takie . Mitä enämmän käršittä , šitä enämmän šuatta iluo . Šilloin voitta olla hyvillänä ta pityä iluo , konša Hiän tulou omašša jumalallisešša valošša .
14 Konša ihmiset haukutah teitä Hristossan nimen tähen , niin oletta ošakkahat , šentäh kun tiän piällä on jumalallisen valon Henki , Jumalan Henki . Nuo haukutah Häntä , a työ piettä Häntä kunnivošša .
15Kun vain kenkänä teistä ei joutuis käršimäh toisen tappajana , varaštajana , pahanruatajana tahi vierahih as's'oih šekautujana . 16Ka kun ken käršinöy šentäh kun on rissitty , še elkäh häpielkäh , vain kiittäkkäh Jumalua tämmöseštä ošašta .
17 On tullun suutun aika , ta enšin Jumala suutiu oman rahvahan . Ka kun suutu alkanou meistä , niin mimmoni lienöy niijen loppu , ket ei taivuta uškomah Jumalan Hyvyä Viestie ?
18 – Kun kerran oikiemielini vaivoin pelaštuu , niin mitein käypi jumalattomalla ta riähkähisellä ?
19 Šentäh ne , ket käršitäh Jumalan tahon mukah , ruatakkah iellähki hyvyä ta antakkah oman elämän Jumalan käsih . Hiän on kaiken luatin ta Häneh voipi aina uškuo .
Rissityn muokat
Karelian Proper
New written karelian