Texts

Kučundu da valličendu

November 27, 2024 in 16:17 Нина Шибанова

created the text translation
created the text: ³ Hänen jumalalline vägi andoi meile lahjakse kai, midä pidäy tozi elaijas da Jumalan varuandas, sendäh gu myö tiijustimmo Händy, kudai kučui meidy omal taivahallizel valgiel da väil. ⁴ Nenga Häi andoi meile ylen suuret da kallehet uskalmot, gu työ niilöin vuoh pagenizitto pahois himolois, kudamat rikotah rahvastu muailmas, da gu suazitto vuitin jumalallizes. ⁵ Sikse pangua kai väit, gu ozuttua omas uskos hyvii ruadoloi da hyvis ruadolois – ellendysty, ⁶ a ellendykses – ičen käzispidämisty, ičen käzispidämizes – keständiä, keständäs – Jumalan varuandua, ⁷ Jumalan varuandas – vellien suvaičendua, vellien suvaičendas – kaikkien rahvahien suvaičendua. ⁸ Gu kai tämä teis on da suurenou, sit meijän Ižändän Iisusan Hristosan tundemine ei jiä teis sualehettah da hyvyöttäh. ⁹ A se, kes nämii ei ole, on sogei, nägöy vai oman nenänalustan.^ Häi unohti, kui händy puhtastettih endizis riähkis. ¹⁰ Ga opikkua sit, vellet, enämbäl da enämbäl lujendua teijän kučundua da valličendua.^ Gu muga ruatto, sit nikonzu etto öntästy. ¹¹ I muga avavutah teile veriät kahtalleh meijän Ižändän da Piästäjän Iisusan Hristosan ilmanigäzeh valdukundah.

November 27, 2024 in 16:17 Нина Шибанова