Texts
Return to list | edit | delete | Create a new | history | Statistics | ? Help
Irina Komissarova. Enžimäne lumi
Irina Komissarova
Enžimäne lumi
Karelian Proper
New written Tver
Enžimäne
lumi Pokrovanke tuli ,
Taivаhašta lendäy , kačot – vallottau .
Enžimäne lumi tuuluzešša pyöriy ,
Langieu muahuzella da väliän šuluau .
Enžimäne halla šygyžyllä harpuau :
Pellot , heinät , riävyt – valgiet , härmäššä .
Pidäy šuaha vuattiet (ei nin vilu puistau ) –
Piälakalla hattu , kädeh piälyššät .
Enžimäne vilu tulou ei i kyžy
Oletgo šie valmis’ ali valmissut ?
Peldoruavot hyl’giä , tyynissy da kodih ,
Koissa äijä ruaduo , jo liigah velgauvuit .
Enžimäne lumi langieu da i šulau ,
Enämbi jo lämmindä elä vuota šie .
Da kuin vietiit kežän – talvella že tunduou ,
Ka vain oman iččien lämby-mäššä pie .
Pokrovanke tuli enžimäne lumi ,
Zavodieči talvi , jänis’ karvan möi .
Valgie , šoma lumi – kattau kaikki šubi ,
Hengellä liey hyvä , a muiten kuin-nibuit’ .
"Enžimäne lumi !" – poiga kodih tuli ,
Kädyzeššä toi hiän lumikömäzen .
"Mama et i vieri , kuin on šielä vilu !" –
Šanou boiko poiga , ruškiet nägözet .
Ka jo vilu talvi , jalgazilla talluau ,
Hil’l’akkazeh ottau omah vägeh miät .
No myö emmä varaja , karielakši laulamma ,
Rubiemma myö viettämäh lyhyöt talvišiät .
Enžimäne lumi
Karelian Proper
New written Tver