VepKar :: Texts

Texts

Return to list | edit | delete | Create a new | history | Statistics | ? Help

Antihristu, Hristosan vastustai

corpus: Biblical texts

Source:
Uuzi Sana, 2003, p. 305

Iivanan enzimäine kirjaine

Antihristu, Hristosan vastustai

Livvi
New written Livvic
18 Lapset, nygöi ollah jälgimäzet aijat. Työ kuulitto, on tulemas antihristu, i nygöi on jo jiävinyhes äijy antihristua. Sit myö tiijämmö: nygöi ollah jälgimäzet aijat.

19 Nämä ristikanzat lähtiettih meijän joukospäi, no hyö ei ni oldu meijän. Gu hyö oldanus meijän, hyö pyzytännys meijän joukos. No heijän lähtendy ozutti sen, gu ei kaikin olla meijän.

20 A teidy on voijelluh Pyhä, i kaikin työ tiijättö toven.

21 Minä kirjutan teile ei sikse, gu työ etto tiedäs praudua, a sikse, gu työ tiijättö sen da ellendättö: ni mi kielastus ei tule tovespäi.

22 Ga kenbo sit on kielastai, gu ei se, kudai sanou: Iisus ei ole Hristos? Moine ristikanzu on antihristu, häi on hyllännyh kui Tuatan, mugai Poijan.

23 Ken hylgiäy Poijan, sil ei ole Tuattuagi, no ken ottau Poijan, sil on Tuattogi.

24 Pyzykkäh teis se, min työ kuulitto allus algajen. Gu se, min työ kuulitto allus algajen, pyzynöy teis, sit työgi pyzyttö Poijas da Tuatas.

25 A se, min Häi uskaldi meile, on tämä: ilmanigäine elos.

26 Tämän minä kirjutin teile niilöih näh, kudamat tahtotah yöksyttiä teidy.

27 No teis pyzyy se voidelu, kudaman työ saitto Pyhäspäi, i teile ei pie nikenen opastandoi. Hänen voidelu opastau teidy kaikes, i se voidelu on tovelline, ei ole kielas. Kui se voidelu teidy opasti, mugai pyzykkiä Hänes.

Первое соборное послание святого апостола Иоанна Богослова. 2:18-27

Russian
18 Дети! последнее время. И как вы слышали, что придет антихрист, и теперь появилось много антихристов, то мы и познаём из того, что последнее время.

19 Они вышли от нас, но не были наши: ибо если бы они были наши, то остались бы с нами; но они вышли, и через то́ открылось, что не все наши.

20 Впрочем, вы имеете помазание от Святаго и знаете всё.

21 Я написал вам не потому, чтобы вы не знали истины, но потому, что вы знаете ее, равно как и то́, что всякая ложь не от истины.

22 Кто лжец, если не тот, кто отвергает, что Иисус есть Христос? Это антихрист, отвергающий Отца и Сына.

23 Всякий, отвергающий Сына, не имеет и Отца; а исповедующий Сына имеет и Отца.

24 Итак, что вы слышали от начала, то и да пребывает в вас; если пребудет в вас то, что вы слышали от начала, то и вы пребудете в Сыне и в Отце.

25 Обетование же, которое Он обещал нам, есть жизнь вечная.

26 Это я написал вам об обольщающих вас.

27 Впрочем, помазание, которое вы получили от Него, в вас пребывает, и вы не имеете нужды, чтобы кто учил вас; но как самое сие помазание учит вас всему, и оно истинно и неложно, то, чему оно научило вас, в том пребывайте.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages