Texts
Return to review | Return to list
Šatavuotisen tortin unohettu maku
history
December 25, 2024 in 17:52 Нина Шибанова
- created the text
- created the text: Terveh, armahat lukijat! Tällä kertua esitän teilä vanhan jälkiruuvvan makeimman reseptin. Karjalan mussikkatortti Kuin ammuin halusin paistua šitä! Ta miula še onnistu! Karjalan Šatavuotini-tortti 13 kyršäštä smetana- ta marjakerman kera… Herkullista! Tämä oikein makie jälkiruoka on kehittyn vanhašta r’adovik-ruuvvašta. Perintehellisešti šitä paissetah puolan kera, ka paikallini vanha resepti ei miäryä marjalajie, šentäh miula himotti luatie mitänih omaluatuista ta mie paissoin tortin mussikan kera. Tavanmukasen kilpailun rajoissa mie laitoin r’adovik-jälkiruuvvan. Valmistuas’s’a šen esittelyö mie tutkin ruuvvan ilmeštymisen istorijua Karjalan keittijöššä. Karjalan torttie šanotah šatavuotisekši. Enši kertua še valmissettih čuarin aikoina, vähän yli 100 vuotta takaperin. Tämä monikerrokšini tortti smetanan ta puolan kera ilmešty ihan šattumalta. Enši kertua šitä taričči omalla herralla pruasniekkana luova aunukšelaini keittäjä. Mi lienöy šattu šiämeh (huttuh) ta hiän pani šen šijah smetanua ta marjua. Kaikki vierahat oikein tykättih makuo, ta niistä ajoista resepti tuli Karjalan perintehellisen keittotaijon istorijah. Nykypäivänä tortin korissuš vähäsen muuttu, jotta šen ulkonäkö tulis kaunehemmakši, ka šen resepti talaittamini jiätih entisiksi. Taikinan pohjakši mie otin keitinpiiraijen reseptin. Tortin resepti Taikina: 400 g jauhuo 200 g smetanua 200 g šokerie 1 kananmuna 10 g sodua 3 g šuolua Täytehtä varoin: 400 g vereštä mussikkua 200 g šokeripuuterie 200 g šakieta smetanua Valmistamini: Jotta valmistua taikina ševota smetanua, šokerie, muna ta sodua, lisyä jauhuo ta šote šakieta taikinua. Jua taikina muutomah palah (miula on 13). Vuorotellen ajele niitä hoikašti šuuren luuvvan kokosekši. Heti paissa ne jauholla peitetyllä pellillä. Kyršien läpimitta on 23 šenttie. Paissa šeiččemen minuuttie 180 aštiešša šähkökiukuašša ilman konvektijuo. Kun reunat rušetah – kyršät ollah valmehet. Leikkua kyršie vain kuumina. Leikattuja palasie käytä korissukšekši ta peitä niillä valmehen tortin laitoja. Šitä ennein ne pitäy hienontua pieniksi muruloiksi. Pane kyršie pinoh ta jätä viluštumah. Jotta valmistua täytehtä ševota smetanua, marjua ta šokerie šekoittimešša. Täyteh on niin makie ta šopušointuni, jotta še miellyttäy kaikkie pehmeijen smetana- ta marjatorttien ihailijie. Jotta panna täytehtä kyršien piällä n’euvotah käyttyä kakšoiskeinuo, ka mie piätin luatie omin tavoin. Ennein malinapiiruan paistamisen aikana tämä keino ei pettän milma. Alan kovota torttie vuorotellen voitellen kyršie smetana- ta marjaševokšella. Voitelen laitoja, a yläošan piällä panen jiännökšie. Panen tortin jiäškuappih stabilisoitumah. Šen jälkeh ripoitan muruloilla, korissan torttie marjalla. Šiinä kaikki. Paikallisen reseptin mukah erikseh piekšetäh smetanua šokerin kera ta erikseh järitetäh marjua ta šokerie. Šemmoni teknologija stabilisoiččou marjakaštikehta ilman potakkajauhuo ta toisie šakeuttamisainehie. Šilloin staučan pinnalla panen vähän smetanua stabilisutta varoin. Enšimmäisen kyršän piällä panen ta levitän smetanua muuvvoštuan laitua, kumpani rupieu kantamah smetanan piällä pantuo marjakaštikehta. Luajin näin kaikkien kyršien kera, kokuon tortin. Voit valita yhen kahešta keinošta. N’euvotah jättyä tortti yökši jiäškuappih, jotta še paremmin imis iččeheš šiämie. Stabilini täyteh muuvvoštuu šen anšijošta, jotta ylimmäini smetanakyršä imiy iččeheš koštevutta ta tulou tosi pehmiekši. Šemmosen teknologijan anšijošta marjakaštikkehet ei tarvita potakkajauhuo eikä želatiinie, mi ušein vaikuttau makuh. On ihmehellistä, ka tämä ihana tortti on melkein unohettu, a monet äšen ei tiijetä šiitä. Ihaššuta iččie ihanalla herkkuruuvvalla! Hyvyä ruokahaluo!