Texts

Jumalan tovissuš iisussašta Hristossašta

January 19, 2025 in 13:23 Нина Шибанова

created the text
created the text translation
created the text: ⁶ Iisussa Hristossa on tullun ristimisvejen, rissinveren ta Pyhän Henken kautti.^ Hiän ei tullun yksistäh vejen, vain vejen ta veren kautti.^ Pyhä Henki tovistau Häneštä, šentäh kun Henki on tosi. ⁷ Taivahašša on kolme tovistajua: Tuatto, Šana ta Pyhä Henki, ta nämä kolme ollah yksi. ⁸Ta muan piällä on kolme tovistajua: Henki, vesi ta veri, ta nämä kolme paissah yhtä. ⁹ Ušommahan myö ihmisien tovissukšeh, ka kuitenki Jumalan tovissuš on äijyäki varmempi.^ Ta Jumalan tovissuš on tämä: Hiän tovistau omašta Pojaštah. ¹⁰Ken uškou Jumalan Poikah, šillä on tämä tovissuš šytämeššä.^ A še, ken ei ušo Jumalan tovissušta, luatiu Jumalašta valehtelijan, šentäh kun hiän ei ušo Iče Jumalua. ¹¹ Ta tämä on še tovissuš: Jumala anto meilä ilmasenikusen elämän, ta še elämä on Hänen Pojašša. ¹²Kellä on Jumalan Poika, šillä on elämä.^ Kellä ei Jumalan Poikua ole, šillä ei ole elämyä.