Texts

Jumala kuulou miän malitut

January 19, 2025 in 13:38 Нина Шибанова

created the text
created the text: ¹³ Tämän kaiken mie olen kirjuttan teilä, kumpaset ušotta Jumalan Pojan nimeh, jotta tietäsijä: Jumalan Poikah uškuon teilä on ilmasenikuni elämä. ¹⁴Myö šuamma rohkiešti läheštyö Jumalua ta uškuo, jotta Hiän kuulou meitä, konša mitä molinemma Hänen tahon mukah. ¹⁵Ta kun myö tiijämmä, jotta Hiän kuulou meitä, konša mitä Häneltä kyšynemmä, niin tiijämmä šenki, jotta šuamma, mitä Häneltä kyšymmä. ¹⁶ Kun ken nähnöy vellen riähkyä luatimašša, ka še riähkä ei vie kuolomah, niin moliutukkah hiän vellen puolešta ta Jumala antau šillä elämän.^ Pakajan niistä, kenen riähkä ei ole kuoloman riähkä. No on vieläi kuoloman riähkyä, ta šemmosešta en käše moliutuo. ¹⁷Kaikki viäryš on riähkyä, ka on riähkyä, mi ei ole kuolomakši. ¹⁸ Myö tiijämmä, jotta yksikänä Jumalašta šyntynyt ei luaji riähkyä.^ Še, ken on šyntyn Jumalašta, pitäy huolen ičeštäh, niin jotta juaveli ei piäše häneh käsin. ¹⁹Myö tiijämmä, jotta myö olemma Jumalašta, a koko muailma on juavelin vallašša. ²⁰ Myö tiijämmä niise, jotta Jumalan Poika tuli ta anto meilä mieltä, jotta tietäsimä tosi Jumalan.^ Ta myö elämmä tosi Jumalašša, kun olemma Hänen Pojašša Iisussašša Hristossašša. Hiän on tosi Jumala ta ilmasenikuni elämä. ²¹Lapšet, pisykkyä erošša valehjumalista! Amin.

January 16, 2025 in 12:49 Нина Шибанова