Texts
Return to review | Return to list
Seiččemes torvensoitto
history
January 24, 2025 in 13:56 Нина Шибанова
- created the text
- created the text translation
- created the text: 15 Seiččemes anheli puhaldi torveh.^ Taivahaspäi kuului iänii, kudamat kovah kirruttih: – Kogo muailmu rodih nygöi meijän Ižändän da Hänen Voijeltun valdukunnakse, i Häi rubieu pidämäh valdua ainos dai ilmazen ijän! 16 Sit net kaksikymmen n՚elli vahnimua, kudamat istuttih Jumalan ies omil prestoloil, langettih rožin muah Jumalan edeh da ylendettih Händy 17 sanoil: – Kiitämmö Sinuu, Ižändy Jumal, Kaikenvaldaine, Sinuu, kudai olet da kudai olit, gu Sinä otit oman suuren väin da rubeit pidämäh valdua. 18 Rahvahat ollah vihan vallas, no sytyi Sinun viha.^ Tuli aigu suudie kuolluzii, aigu andua palku Sinun käskyläzile-iänenkandajile da Sinuh uskojile i kaikile, ket pietäh počotas Sinun nimie, pienile dai suurile.^ Tuli aigu hävittiä niilöi, kudamat hävitetäh muadu. 19 Taivahas avattih Jumalan pyhäkodi, i rubei nägymäh Hänen sovun lipas, kudai oli pyhäkois.^ Tuldu iški, kuului iänii, jyryy, mua särizi, pani karjua raistu.