Texts

Vil'l'ankorjuun aika

January 29, 2025 in 23:24 Нина Шибанова

created the text
created the text: ¹⁴Šen jälkeh nävin tämän: Oli valkie pilvi, ta pilven piällä istu ken lienöy Ihmisen Pojan näköni.^ Hänellä oli piäššä kultani venčča ta kiäššä terävä čirppi. ¹⁵Jumalankojista tuli vielä yksi anheli ta lujalla iänellä karju pilven piällä Istujalla näin: «Pane čirppi ruatamah ta leikkua, nyt on vil'l'ankorjuun aika.^ Muan elo on kypšyn korjattavakši». ¹⁶Šilloin pilvellä Istuja työnsi oman čirpin muan piällä, ta niin oli muan elo korjattu. ¹⁷Taivahan jumalankojista tuli tuaš yksi anheli, ta hänelläki oli terävä čirppi. ¹⁸Jumalankojin alttarista tuli anheli, še, kumpasen vallašša on tuli.^ Hiän karju lujah šillä anhelilla, kumpasella oli terävä čirppi: «Pane terävä čirppis ruatoh ta korjua marjarypälehet muan viinasatušta.^ Marjat on jo kypšytty». ¹⁹Šiitä anheli työnsi oman čirpin muan piällä, leikkasi rypälehet muan viinasatušta ta lykkäsi marjat šuureh pušerrušaltahah, Jumalan vihan pušerrušaltahah. ²⁰Marjat tallattih altahašša linnan ulkopuolella, ta altahašta valu vertä.^ Šitä vertä oli niin äijän, jotta še vielä tuhannen kuuvvenšuan stadie-mitan piäššä nousi heposen turpah šuate.

January 25, 2025 in 12:52 Нина Шибанова