Texts

Return to review | Return to list

Valkiella heposella račaštaja

history

January 31, 2025 in 12:00 Нина Шибанова

• changed the text
  ¹¹Mie nävin taivahan avattuna: nävin valkien heposen ta šen šeläššä Miehen.^ Hiän pakajau totta ta Häneh voit uškuo, Hiän suutiu ta šotiu oikein. ¹² Hänen šilmät oltih kuin tulen liekkehet, Hänellä oli piäššä monta koronua. Häneh oli kirjutettu nimi, kumpaista ei tiijä kenkänä toini, vain Hiän Iče. ¹³Hänellä oli piällä vereh kaššettu sviitka, ta Hänen nimi on Jumalan Šana. ¹⁴Miehen jäleššä matattih taivahan šotajoukot.^ Hyö račaššettih valkeilla heposilla, ta heilä oli heläkänvalkiet liinavuattiet. ¹⁵ Miehen šuušta lähtöy terävä miekka.^ Šillä miekalla Hiän isköy kanšoja, Hiän paimentau niitä rautasella kepillä.^ Hiän talluo ličottau viinamarjat pušerrušaltahašša, jotta näyttyä Jumalan šiäntymini ta viha, Hänen, kumpani on Kaikenvaltani. ¹⁶Miehen sviitkah reijen kohalla on kirjutettu nimi: čuarien Čuari, isäntien Isäntä. ¹⁷Šiitä nävin anhelin, kumpani šeiso ylähyänä päiväseššä. Hiän karju lujalla iänellä kaikilla lintuloilla, kumpaset lennettih korkiella taivahan luašša: «Tulkua, keräytykkyä Jumalan pruasniekkailtasella! ¹⁸Šuatta šyyvvä čuarien lihua, šotapiälikköjen ta valtamiehien lihua, heposien ta račaštajien lihua, kaikkien lihua, niin omalla vallalla eläjien kuin orjien, niin pienien kuin šuurien». ¹⁹Šiitä nävin, jotta svieri ta muailman čuarit omien šotajoukkojen kera oli keräyvytty yhteh, jotta šotie Račaštajua ta Hänen šotajoukkuo vaštah. ²⁰Ka svieri otettih kiini, šamoin viärä viessintuoja.^ Hiän oli svierin nimissä luatin kummie ta muanitellun viäräh ihmisie, ket oli otettu svierin merkki ta ket kumarrettih šen pačaškuvalla.^ Ne molommat työnnettih elävinä tuliseh järveh rikinkačkusien tuliliekkehien kešellä. ²¹Loput šotajoukošta šuatih šurma miekašta, mi työnty Račaštajan šuušta, ta kaikki linnut šyötih kyllitellein heijän lihua.

January 31, 2025 in 11:42 Нина Шибанова

• created the text
• created the text translation
• created the text: ¹¹Mie nävin taivahan avattuna: nävin valkien heposen ta šen šeläššä Miehen.^ Hiän pakajau totta ta Häneh voit uškuo, Hiän suutiu ta šotiu oikein. ¹² Hänen šilmät oltih kuin tulen liekkehet, Hänellä oli piäššä monta koronua. Häneh oli kirjutettu nimi, kumpaista ei tiijä kenkänä toini, vain Hiän Iče. ¹³Hänellä oli piällä vereh kaššettu sviitka, ta Hänen nimi on Jumalan Šana. ¹⁴Miehen jäleššä matattih taivahan šotajoukot.^ Hyö račaššettih valkeilla heposilla, ta heilä oli heläkänvalkiet liinavuattiet. ¹⁵ Miehen šuušta lähtöy terävä miekka.^ Šillä miekalla Hiän isköy kanšoja, Hiän paimentau niitä rautasella kepillä.^ Hiän talluo ličottau viinamarjat pušerrušaltahašša, jotta näyttyä Jumalan šiäntymini ta viha, Hänen, kumpani on Kaikenvaltani. ¹⁶Miehen sviitkah reijen kohalla on kirjutettu nimi: čuarien Čuari, isäntien Isäntä. ¹⁷Šiitä nävin anhelin, kumpani šeiso ylähyänä päiväseššä. Hiän karju lujalla iänellä kaikilla lintuloilla, kumpaset lennettih korkiella taivahan luašša: «Tulkua, keräytykkyä Jumalan pruasniekkailtasella! ¹⁸Šuatta šyyvvä čuarien lihua, šotapiälikköjen ta valtamiehien lihua, heposien ta račaštajien lihua, kaikkien lihua, niin omalla vallalla eläjien kuin orjien, niin pienien kuin šuurien». ¹⁹Šiitä nävin, jotta svieri ta muailman čuarit omien šotajoukkojen kera oli keräyvytty yhteh, jotta šotie Račaštajua ta Hänen šotajoukkuo vaštah. ²⁰Ka svieri otettih kiini, šamoin viärä viessintuoja. Hiän oli svierin nimissä luatin kummie ta muanitellun viäräh ihmisie, ket oli otettu svierin merkki ta ket kumarrettih šen pačaškuvalla.^ Ne molommat työnnettih elävinä tuliseh järveh rikinkačkusien tuliliekkehien kešellä. ²¹Loput šotajoukošta šuatih šurma miekašta, mi työnty Račaštajan šuušta, ta kaikki linnut šyötih kyllitellein heijän lihua.