Texts
Return to list | edit | delete | Create a new | history | Statistics | ? Help
Muajilman luomini I
Muajilman luomini I
Karelian Proper
New written karelian
Työ
tiijättä mitein kaikki uppuou ta katou pimevyöh yöllä , konša šammutah valot .
Šemmoista umpipimietä oli aikoinah koko muajilma .Šilloin ei ollun ni olomašša kašvija ta puita , kaunehie kukkie ta lintuja , ei taivašta eikäi muata .Koko muajilma oli pimevyttä ta šekašotkuo .Vain Jumala ei tahton jättyä šitä šemmosekši , ta niin Hiän loi tämän ihmellisen muajilman .On šelvä , jotta ei mitänä voi šyntyö ičeštäh .Muajilma , min Jumala loi kaunehekši ta šopušointusekši , tovistau viisahašta ta Kaikenvaltasešta Luojašta .
Piiplija , Pyhä Kirja , kertou mitein Jumala loi kaiken Šanallah :
"Enšin Jumala loi taivahat ta muan .Mua oli elämätöin ta tyhjä , pimevyš peitti šyvyöt , ta Jumalan Henki liiteli vesien piällä .
Jumala šano : "Tulkah valo !"Ta valo tuli .
Jumala näki , jotta valo oli hyvä ta erotti valon pimevyöštä .Hiän nimitti valon päiväkši , ta pimevyön yökši .Tuli ilta ta tuli huomeneš , näin mäni enšimmäini päivä .
Jumala šano : "Tulkah taivahankanši vesien välih , erottamah vejet toisistah ".Jumala luati taivahankannen ta erotti vejet niin , jotta yhet oltih šen yläpuolella ta toiset šen alla .Niin tapahtu , ta Jumala nimitti šen kannen taivahakši .Tuli ilta ta tuli huomeneš , näin mäni toini päivä .
Jumala šano : "Kokoutukkah taivahankannen alla olijat vejet yhteh paikkah niin , jotta muanpinta tulou näkyvih ".Ta niin tapahtu .Jumala nimitti kovan muanpinnan muakši , ta šen paikan , mih vejet kokouvuttih , Hiän nimitti merekši .Ta Jumala näki , jotta niin oli hyvä .
Jumala šano : "Vihantukkah mua , kašvakkah šiinä šiementä antajat kašvit ta puut , mit muan piällä kannetah antimissah jokahini oman lajin moista šiementä ".Ta niin tapahtu .
Mua vihantu šiementä antajilla kašviloilla ta puilla , mit kannettih antimissah jokahini oman lajin moista šiementä .Jumala näki , jotta niin oli hyvä .Tuli ilta ta tuli huomeneš , näin mäni kolmaš päivä ".
Muajilman luomini I
Karelian Proper
New written karelian
"