Texts
Return to list | edit | delete | Create a new | history | Statistics | ? Help
Muajilman luomini II
Muajilman luomini II
Karelian Proper
New written karelian
"Jumala
šano : "Tulkah valoja taivahankanteh erottamah päivän yöštä , ta olkah ne merkkinä näyttämäššä aikoja , päivie ta vuosie . Loistakkah ne taivahankannešta ta antakkah valuo muan piällä ".Ta niin tapahtu .Jumala luati kakši šuurta valuo , šuuremman halliččomah päivyä ta pienemmän halliččomah yötä , ta tähet .Hiän ašetti ne taivahankanteh loistamah muan piällä , halliččomah päivyä ta yötä ta erottamah valon pimevyöštä .Jumala näki , jotta niin oli hyvä .Tuli ilta ta tuli huomeneš , näin mäni nelläš päivä .
Jumala šano : "Viliskäh vejet elävie olentoja ta lennelkäh linnut ilmašša taivahankannen alla ".Niin Jumala loi šuuret meripevot ta kaikki muut elävät olennot , mit täytettih vejet , šekä kaikki šiivekkähien lajit .Jumala näki , jotta niin oli hyvä .Hiän plahoslovi ne šanuon : "Olkua tuottosat ta šikeytykkyä ta täyttäkkyä meren vejet , ta linnut lisäytykkäh muan piällä ".Tuli ilta ta tuli huomeneš , näin mäni viiješ päivä .
Jumala šano : "Tuottakkah mua kaikenmoisie elävie olentoja , kaikki karjaeläimien , pikkueläimien ta villieläimien lajit ".Ta niin tapahtu .Jumala loi villieläimet , karjaeläimet ta erimoiset pikkueläimet , kaikki eläinlajit .Ta Jumala näki , jotta niin oli hyvä ".
Niin mua , min Jumala loi Šanallah , tuli valmehekši .Luomistyö ei kuiteinkana ollun vielä loppun .Jumala piätti luuvva ihmisen elämäh ta halliččomah tätä muajilmua šekä elämäh Luojah yhtevyöššä .
Muajilman luomini II
Karelian Proper
New written karelian