Texts
Return to list | edit | delete | Create a new | history | Statistics | ? Help
Ihmisen luomini
Ihmisen luomini
Karelian Proper
New written karelian
"Jumala
šano : "Luoka ihmini , luatikka hänet kuvakšena , Meijän moisekši , ta hallikkah hiän meren kaloja , taivahan lintuja , karjaeläimie , muata ta kaikkie pikkueläimie , mitä muan piällä liikkuu ". Ta Jumala loi ihmisen kuvakšeh , Jumalan kuvakši Hiän hänet loi , miehekši ta naisekši Hiän loi heijät .Jumala plahoslovi heijät ta šano heilä : "Olkua tuottosat , šikeytykkyä ta täyttäkyä mua ta ottakkua še valtahana .Isännöikyä meren kaloja , taivahan lintuja ta kaikkie , mi muan piällä eläy ta liikkuu ".Jumala šano vielä : "Mie annan teilä kaikki šiementä antajat kašvit , mitä muan piällä on , ta kaikki puut , kumpasissa on šiementä kantajat antimet .Olkah ne teijän ruokana .Villieläimillä ta taivahan lintuloilla ta kaikella , mi muan piällä eläy ta liikkuu , mie annan ruuvvakši vihriet kašvit ".Niin tapahtu .Ta Jumala kaččo kaikkie mitä loi , ta kaikki oli hyvyä .Tuli ilta ta tuli huomeneš , näin mäni kuuvveš päivä ".
Miehen nimi oli Aatami , ta naisen nimi oli Ieva .Jumala loi heijät kaunehiksi ta onnellisiksi .Jumala luotti heijän halttuh kaiken , min oli luonun .Hiän plahoslovi Aatamin ta Ievan ta anto heilä elinpaikakši ruajun , mitä nimitettih Edemin puutarhakši .Heijän tehtävänä oli viljellä ta varjella šitä .
Jumala tykkäsi iččeh luomie ihmisie ta hyö tykättih Häntä .Heijän mielet oltih kiini Jumalašša ta hyö oltih onnellisie .Šamoin on meiläki , kun elämmä Jumalan yhtevyöššä .
Ihmisen luomini
Karelian Proper
New written karelian