Texts
Return to list | edit | delete | Create a new | history | Statistics | ? Help
Riähkäh lankiemini
Riähkäh lankiemini
Karelian Proper
New written karelian
Jumala
oli antan ihmisillä elinpaikakši ruajun .Hiän anto Aatamilla ta Ievalla luvan šyyvvä antimie kaikista ruajun puista , vain kielti koškomašta yhtä .Še oli hyvän - ta pahantiijon puu .Šen antimie hyö ei šuatu šyyvvä , jotta ei kuoltais .
Šaatana , Jumalan ta ihmisien vihollini , tuli kavalašti Ievan luo kiärmehenä ta kyšy : "Onko Jumala tosieh šanon : "Työ että šua šyyvvä mistänä puutarhan puušta ""?Ieva vaštasi : "Kyllä myö šuamma šyyvvä puutarhan puijen antimie .Vain šiitä puušta , mi on kešellä ruajuo , Jumala on šanon : "Elkyä šyökyä šen antimie , elkyäi košettakkua niih , jotta että kuolis "".Šilloin kiärmis šano : "Ei , että työ kuole .Vain Jumala tietäy , jotta šinä piänä konša työ šyöttä šen puun kiellettyjä antimie , teijän šilmät avauvutah ta teistä tulou Jumalan moisie , niin jotta työ rupietta tietämäh kaiken , šekä hyvän jotta pahan ".
Naini kačahti puuh ta näki nyt , jotta puun antimet oltih hyvie šyötäväkši ta jotta ne oltih kaunehie piältä päin ta houkuttelijie , šentäh kun luvatah ymmärryštä .Hiän otti šiitä antimen ta šöi šen ta anto miehellähki Aatamilla , kumpani oli hänen kera , ta mieški šöi .Šilloin Jumala šano Aatamilla : "Kun tottelit naistaš ta šöit puušta , mistä mie kiellin šilma šyömäštä , niin olkah mua šiun takie kirottu .Vaikiella työllä rupiet elättämäh iččieš koko ikäš niin pitälti , kuni elät .Mua kašvattau šiula piikkituomie ta ohtajaista .Hiki piäššä šie rupiet tienuamah leipyäš , kuni et muutu tuaš muakši , šentäh kun šiitä šiut on otettu .Muan pölyö šie olet , muan pölykši šie tulet ".Šiitä Jumala ajo pois Aatamin ta Ievan ruajušta , eikä hyö enämpi konšana voitu myöštyö šinne .
Näin ihmini lankesi riähkäh .Kun Aatami ta Ieva rikottih Jumalan käšky , hyö mänetettih yhtevyš Jumalah , mi merkičči heijän henkellistä kuolomua .Myöhemmin hyö kuoltih ruumihilliseštiki .Näin heitä kohtasi Jumalan miäryämä kurituš .Vain jo šilloin Jumala lupasi pelaštua ihmiskunnan oman Poikah Iisussan Hristossan kautti .Täštä pelaššukšešta kerrotah myöhemmin täššä kirjašša .
Riähkäh lankiemini
Karelian Proper
New written karelian