Texts
Return to list | edit | delete | Create a new | history | Statistics | ? Help
Vejennoušu alkau
Vejennoušu alkau
Karelian Proper
New written karelian
Laivan rakentamini kešti
pitälti .Kun še lopulla tuli valmehekši , Jumala šano Noijalla : "Mäne perehineš laivah , šentäh kun mie olen nähnyn šiut ainuokši oikiemielisekši tämän šukupolven joukošša .Ota kaikkie uhrikelposie karjaeläimie šeiččemen parie , isäkköjä ta emäkköjä , vain kaikkie epäpuhtahie karjaeläimie ota kakši , isäkkö ta emäkkö .Taivahan lintujaki ota šeiččemen parie , emäkköjä ta isäkköjä , jotta niijen šuku jatkuis muan piällä .Šeiččemen päivän piäštä mie työnnän muan piällä vihman , mi keštäy nelläkymmentä päivyä ta nelläkymmentä yötä .Mie pyyhin muan piältä kaikki olennot , mit olen luonun ".
Noija ruato kaikki Jumalan käšyn mukah .Hiän mäni laivah naisineh , poikineh ta min’n’oneh ta otti šinne parittain kaikkie eläimie .Kun kaikki oltih laivan šiämeššä , Jumala iče pani heijän peräh laivan oven kiini ulkopuolelta .
Šilloin alko lujašti vihmuo , ta šajetta kešti yhtä mittua nelläkymmentä päivyä ta nelläkymmentä yötä .Vesi nousi ta nošti laivan irti muašta , niin jotta še läksi liikkeheh vejen mukah .Vesi nousi niin äijälti , jotta lopulla še peitti korkeimmatki vuarat .Kaikki ihmiset ta eläimet hukuttih .Vain Noija ta ne , ket oltih hänen kera laivašša , jiätih henkih .
Vejennoušu alkau
Karelian Proper
New written karelian