Texts
Return to list | edit | delete | Create a new | history | Statistics | ? Help
Vejennoušu loppuu
Vejennoušu loppuu
Karelian Proper
New written karelian
Šuanviijenkymmenen päivän
piäštä lujien vihmojen ta tulvan alkamisešta vejenpinta oli laškeutun niin , jotta Noijan laiva pietty Araratin vuoreh .Noija vuotti vielä muutoman kuukauven , avasi šiitä laivan ikkunan ta piäšti korpin lentoh , jotta šuaha tietä oliko vesi vähennyn .Korppi lenteli ieštuaš , kuni vesi oli kuivan muan piältä .
Šiitä Noija piäšti kyyhkysen uloš lentämäh , vain kyyhkyni ei löytän paikkua , missä ois voinun levähtyä , kun mua oli vielä vejen peitošša , ta niin še myöšty jälelläh laivah .Šeiččemen päivän piäštä Noija tuaš piäšti kyyhkysen uloš laivašta .Illalla še myöšty vereš voipuun lehti n’okašša .Šiitä Noija ymmärti , jotta vesi oli vähennyn muan piältä .
Tuaš kulu šeiččemen päivyä , ta uuvveštah Noija piäšti kyyhkysen lentoh .Tällä kertua še ei myöštyn enämpi laivah .Šilloin Noija avasi laivan katon ta näki , jotta muan pinta oli kuivan .Jumala šano Noijalla : "Lähe pois laivašta ta ota matkahaš naiseš , poikaš ta poikieš naiset .Vie mataššaš laivašta kaikki eläimet , mit ollah luonaš , kaikki elävät olennot , linnut , karjaeläimet ta muan piällä liikkujat pikkueläimet .Anna levitäh ne ympäri muata , ta olkah ne tuottosat ta šikeytykkäh muan piällä ".
Vejennoušu loppuu
Karelian Proper
New written karelian