Texts
Return to list | edit | delete | Create a new | history | Statistics | ? Help
Aprahami
Aprahami
Karelian Proper
New written karelian
Noijan
pojilla šynty äijän lapšie , kumpasista läksi monie kanšoja muan piällä .Yksi Noijan jälkiläisistä oli Apram .Apram oli yksi Vanhan Šanan šuurie miehie .Myöhemmin Jumala muutti hänen nimen Aprahamiksi , mi merkiččöy "monien kanšojen tuatto ".Aprahami piti Jumalašta , oli hänellä uškollini ta tottelija .Jumala iče šano Aprahamie omakši yštäväkšeh .
Kerran Hospoti šano Aprahamilla : "Lähe muaštaš , elošijoiltaš ta tuattoš koista šiih muah , min mie šiula juohatan .Mie ruan niin , jotta šiušta tulou šuuren kanšan kantatuatto ta plahoslovin šilma .Šuuri on šiitä šiun nimeš ta šen kautti tullah plahoslovituiksi monet .Mie plahoslovin niitä , ket plahoslovitah šilma , ta kiruon ne , ket kirotah šiut , ta šiun šuama plahosloven’n’a tulou plahosloven’n’akši kaikilla muajilman kanšoilla ".
Aprahami ruato , niin kuin Hospoti oli käšken .Hiän otti matkahaš oman naiseh Saran , vellenpojan Lotin , šamoin kaikki heijän hyvyöt ta paššarit .Hyö lähettih Harranista Hananin muata kohti , šinne , minne Jumala oli heitä juohattan .Matalla hyö tultih paikkah , mitä šanottih Moren šuurekši tammiksi .Šielä Hospoti jiäviyty Aprahamilla ta šano : "Šiun jälkiläisilläš mie annan tämän muan ".
Jumala šano Aprahamilla : "Kačo täštä kohašta , luo šilmäš pohjoseh , eteläh , itäh ta länteh .Kaiken šen muan , min šie niät , mie annan šiula ta šiun jälkiläisilläš ilmasekši ijäkši .Mie luajin šiula jälkiläisie niin äijän , kuin äijän on hiekan murusie muan piällä ".
Kotvasen ajan piäštä Jumala tuaš jiäviyty Aprahamilla ta šano : "Elä varaja , Aprahami .Mie olen šiun šuojana , ta šie šuat hyvin šuuren palkan ".Ka Aprahami , pahoillah šiitä , kun hiän oli jo vanha eikä hänellä vieläkänä ollun lašta , šano Jumalalla : "Hospoti , Jumalaiseni , mitä šie miula antasit ?Mie jiän lapšettomakši …Šie et antan miula jälkiläistä , ta šentäh miun käškyläini periy kaiken ".Täh Hospoti vaštasi hänellä : "Ei hiän peri šiun hyvysie , vain kaiken perijäkši tulou šiun oma poikaš ".Šiitä hiän vei Aprahamin pihalla ta šano hänellä : "Kačo taivahah ta luve tähet , kun jakšanet ne lukie .Yhtä äijän tulou šiulaki jälkiläisie ".
Vielä Jumala šano Aprahamilla : "Naistaš Sarua elä enämpi kuču Sarakši , vain olkah hänen nimi Sarra .Mie plahoslovin häntä ta annan hänen šuaha šiula pojan .Ta pojanki mie plahoslovin : monet rahvahat šuahah häneštä alkuh , ta hänen jälkiläisistä noušou kanšojen kuninkahie ".
Aprahami uško Jumalan lupaukšeh ta šentäh hiän oli Jumalalla kelposa .
Vuuvven piäštä šen jälkeh , kun Jumala jiäviyty Aprahamilla , Sarralla šynty poika .Aprahami anto pojallah nimen Issakka .
Aprahami
Karelian Proper
New written karelian