Texts
Return to list | edit | delete | Create a new | history | Statistics | ? Help
Joosefi, Juakon lempilapši
Joosefi, Juakon lempilapši
Karelian Proper
New written karelian
Omana
aikanah Issakalla šynty poika , še šai nimen Juakko .Myöhemmin Jumala anto hänellä nimen Israel .
Juakolla oli kolmetoista lašta , kakšitoista poikua : Ruvim , Simeon , Leevi , Juuta , Dan , Neffalimi , Gad , Asiri , Issahar , Savulon , Joosefi ta kuopuš Veniamin ta vieläi yksi tytär , Dina .Juakko tykkäsi Joosefie enämmän , kuin toisie poikieh , kun tämä oli šyntyn hänellä jo vanhoilla päivillä .
Tuatto ompelutti Joosefilla pitän värikkähän puvun .Vellet huomattih , jotta tuatto piti Joosefie parempana kuin heitä muita , ta hyö ruvettih vihuamah häntä niin , jotta ei enämpi voitu paissaki hänen kera yštävällisešti .
Kerran Joosefi näki unen .Kun hiän kerto šen vellilöilläh , hyö ruvettih vihuamah häntä vielä enämmän .Hiän niätšen šano heilä : "Kuulkuahan , mimmoista unta mie nävin !Myö olima pellolla lyhtehie šitomašša .Yhtäkkie miun lyhteheni nousi pistyh ta teijän lyhtehet keräyvyttih ympärillä ta kumarrettih muah šuaten miun lyhtehen ieššä ".Vellet šanottih hänellä : "Šiuštako tulis meijän čuari !Šiekö muka rupiet isännöimäh täššä ?"Ta näijen unien ta pakinojen tähen hyö vihattih häntä vielä enämmän .
Joosefi näki vielä toisen unen ta šen niise kerto vellilöilläh : "Tuaš mie nävin unta , ta šiinä uneššani päiväni , kuu ta yksitoista tähtie kumarruttih miun eteh ".Kun hiän oli kerton tämän tuatollah ta vellilöilläh , tuatto moitti häntä : "Mitä tuommoset unet ollah olovinah ?Šiitäkö muka pitäis miun , muamoš ta vellieš kumartua šiula muah šuaten ?"Vellet oltih katehellisie Joosefilla , ta hänen tuattuo tämä kaikki kovuan vaivasi .
Kerran , kun Joosefin vellet oli mänty Sihemin šeutuloilla paimentamah tuattoh lampahie ta kosie , Juakko šano Joosefilla : Velleš ollah karjan kera Sihemissä .Šiun pitäis männä šinne heijän luokši ".Joosefi vaštasi : "Hyvä on , tuatto ".Ta Juakko šano hänellä : "Mäne kaččomah , mitein velleš ta karja pärjätäh ta tule šiitä kertomah miula ".Joosefi mielelläh läksi matkah , ta löysi heijät .Hyö nähtih Joosefi jo loittuota , ta ennein kuin hiän kerkisi tulla šinne , hyö alettih ajatella hänen tappamista .Hyö paistih välissäh : "Tuola še unien näkijä tulou .Tappakka hänet , luoka minnenih tyhjäh kaivoh , a tuatolla šanomma , jotta peto hänen šöi .Šiitäpä niämmä , mitein hänen unet toteuvutah ".
Joosefi, Juakon lempilapši
Karelian Proper
New written karelian